Conseggio pe-o patrimònio linguistico ligure

Conseggio ligure

Diçionäio italian-zeneise

O Conseggio pe-o patrimònio linguistico ligure o l’é feliçe de presentâ o Diçionäio elettrònico italian-zeneise, unn’euvia da-e finalitæ in primmo leugo didattiche.

O diçionäio o se distingue pe unna quantitæ de caratteristiche che, insemme a-o seu carattere telematico e sensa costi pe l’utensa, veuan fâlo vegnî un strumento da-a particolâ utilitæ inte l’ambito da didattica do zeneise:

  1. a propòsta de testi d’exempio, pe ben ben di lemmi ciù frequenti, che presentan e equivalense do lescico zeneise inte di contesti de communicaçion vexin a-a realtæ;
  2. a poscibilitæ de consultaçion de tabelle de declinaçion di sostantivi e de coniugaçion di verbi, generæ da un programma informatico inandiou pe quello fin;
  3. a presensa de indicaçioin esatte in sciâ prononçia de tutti i lemmi (correspondente à quella da primma çittæ da region) pe mezo da trascriçion inte l’alfabeto fonetico internaçionâ (IPA).

Dæto e finalitæ do diçionäio, ch’o l’ammia a-o repiggio do lescico ch’o s’attreuva inta lettiatua stòrica da lengua, quest’euvia a dà a prioritæ a-e forme zeneixi ciù viaxe che no à quelle refæte in sce l’italian, ascì ben che queste de vòtte peuan ëse ciù deuviæ inta lengua parlâ. Çerti di critëi de registraçion – comme quelli ligæ a-e forme morfologiche tegnue da conto drento do travaggio – se peuan leze inte de seçioin appòxite drento de intræ do diçionäio.

L’euvia, indirissâ à l’utensa ciù interessâ a-o repiggio da lengua, a l’intende servî da complemento a-e arrecuggeite e a-i diçionäi, tanto scientifichi comme de divurgaçion, in sce papê ò in formato informatico; de questi travaggi se propoñe chì dabasso unna bibliografia generale.

Sciâ çercan unna referensa in sce papê?

O neuvo Dizionario italiano-genovese de Stefano Lusito o l’é pensou apòsta pe chi çerca unna scintexi do lescico italian ciù frequente missa à confronto co-e seu equivalense in zeneise. O diçionäio o l’appresenta ascì unna larga seleçion de frase d’exempio, d’esprescioin idiomatiche e de proverbi, e o mette in evidensa tante de costruçioin despæge tra e doe lengue.

Sciâ peuan cliccâ chì pe ammiâ o produto into scito de l’editô.

Bibliografia

  • Autelli E., Lusito S., Konecny C., Toso F., (2018-ancheu), GEPHRAS: Genoese and Italian Phrasemes (Collocations and Idioms). https://romanistik-gephras.uibk.ac.at.
  • Acquarone A., Guasoni A., Lusito S., Roveda A., (2015), Parlo ciæo. La lingua della Liguria. Il Secolo XIX / De Ferrari, Genova.
  • Bampi F., (2008), Nuovo dizionario italiano-genovese illustrato e commentato, Nuova editrice genovese, Genova.
  • Casaccia G., (1851), Vocabolario genovese-italiano, F.lli Pagano, Genova.
  • Casaccia G., (1876), Dizionario genovese-italiano. Seconda edizione accresciuta del doppio e quasi tutta rifatta. G. Schenone, Genova.
  • Cortelazzo M., Cuneo M., Petracco Sicardi G., (1995), Vocabolario delle parlate liguri. Lessici speciali 2-I: i pesci e altri animali marini. SAGEP, Genova.
  • Cuneo M., Petracco Sicardi G., (1997), Vocabolario delle parlate liguri. Lessici speciali 2-II: mare, pesca e marineria. SAGEP, Genova.
  • Frisoni G., (1910), Dizionario genovese-italiano e italiano-genovese, Donath, Genova.
  • Guasoni A., Toso F., (2010), Il genovese in tasca, Assimil Italia, Chivasso (Torino).
  • Lusito S., (2022), Dizionario italiano-genovese, Editoriale Programma, Treviso.
  • Petracco Sicardi G., (1982), Vocabolario delle parlate liguri. Lessici speciali 1: gli uccelli. SAGEP, Genova.
  • Petracco Sicardi G., Toso F., Cavallaro P., (1985), Vocabolario delle parlate liguri. Vol. I: A-C. Consulta ligure, Genova.
  • Petracco Sicardi G., Conte Labella R., Toso F., Cavallaro P., (1987), Vocabolario delle parlate liguri. Vol. II: D-M. Consulta ligure, Genova.
  • Petracco Sicardi G., Toso F., (1990), Vocabolario delle parlate liguri. Vol. III: N-S. Consulta ligure, Genova.
  • Petracco Sicardi G., (1992), Vocabolario delle parlate liguri. Vol. IV: T-Z. Consulta ligure, Genova.
  • Olivari C., (2006), Vocabolario genovese-italiano italiano-genovese. Zeneise riso ræo.. Liberodiscrivere, Genova.
  • Toso F. (1997), Grammatica del genovese, Le Mani – Microart’s, Recco.
  • Toso F. (2006), Dizionario italiano-genovese, genovese-italiano. Antonio Vallardi Editore, Milano.