Conseggio pe-o patrimònio linguistico ligure

Conseggio ligure

DEIZE

Diçionäio italian-zeneise

immaginare

v. tr.

  1. imaginâ [imadʒiˈnaː]

Pe saveine de ciù

O prefisso zeneise in-

Tanti termini che presentan in zeneise o prefisso in- l’an ottegnuo pe mezo de dissimilaçion de unn’antiga consonante doggia. S’attrovià donca inlustrâ < illustrem, inmenso < immensus, inludde < illudere, etc. Di atri lemmi an incangio mantegnuo o prefisso latin, comme pe inscrive < inscribere. Di atri ancon en stæti formæ pe analogia, comme inmanegâ.

Do tutto despægia a l’é incangio a costion pe-i termini comme imagine < imaginem che no an mai avuo ni o prefisso in- ni a consonante doggia, e pe-i quæ scrive in- o no saieiva giustificou. A grafia sbaliâ inmagine, addeuvia de vòtte da çerti scrittoî moderni, a l’é donca unna forma d’ipercorrettiximo basâ in sce l’italian, e a l’é de seguo da no addeuviâ.

Inte sto diçionäio, consciderou e finalitæ pe-o ciù didattiche che l’animan (che pontan ascì a-o repiggio de çerte forme ciù viaxe, se addescian l’interesse de casañe), se repòrta tutte doe e forme quande existan e quand’en etimologicamente giustificæ.

Coniugaçioin

imaginâ

Indicativo

Presente

  1. mi imagiño
  2. ti t’imagiñi
  3. lê o/a l’imagiña
  4. niatri imaginemmo
  5. viatri imaginæ
  6. liatri imagiñan

Imperfetto

  1. mi imaginava
  2. ti t’imaginavi
  3. lê o/a l’imaginava
  4. niatri imaginavimo
  5. viatri imaginavi
  6. liatri imaginavan

Futuo

  1. mi imaginiò
  2. ti t’imaginiæ
  3. lê o/a l’imaginià
  4. niatri imaginiemo
  5. viatri imaginiei
  6. liatri imaginian

Conzontivo

Presente

  1. che mi imagiñe
  2. che ti t’imagiñi
  3. che lê o/a l’imagiñe
  4. che niatri imaginemmo
  5. che viatri imaginæ
  6. che liatri imagiñan

Imperfetto

  1. che mi imaginesse
  2. che ti t’imaginesci
  3. che lê o/a l’imaginesse
  4. che niatri imaginescimo
  5. che viatri imaginesci
  6. che liatri imaginessan

Condiçionale

  1. mi imaginieiva/imaginiæ
  2. ti t’imaginiësci
  3. lê o/a l’imaginieiva/imaginiæ
  4. niatri imaginiëscimo
  5. viatri imaginiësci
  6. liatri imaginieivan/imaginiæn

Imperativo

  1. imagiña ti!
  2. imaginemmo niatri!
  3. imaginæ viatri!

Partiçipio passou

  1. m. s. imaginou
  2. m. p. imaginæ
  3. f. s. imaginâ
  4. f. p. imaginæ

Gerundio

  1. imaginando