Conseggio pe-o patrimònio linguistico ligure

Conseggio ligure

DEIZE

Diçionäio italian-zeneise

obbligare

v. tr.
  1. costringere a fare qcs.

    obrigâ [ɔbriˈɡaː] (var. obligâ)1

    la legge obbliga il colpevole a risarcire chi subisce danni

    a lezze a l’òbriga o corpeive à compensâ chi patisce di danni

    la mia ragazza mi ha obbligato a vedere “Titanic”

    a mæ galante a m’à obrigou à vedde «Titanic»

Pe saveine de ciù

1. Marcatua do rotaçiximo de -l- davanti à consonante

In zeneise l’é frequente o passaggio de -[l]- à -[r]- davanti a-e consonante gutturale e labiale: coscì, de poule comme ingleise [iŋˈɡlejze], biçicletta [bisiˈkletˑa] e complicâ [kuŋpliˈkaː] peuan ëse prononçie ascì ingreise [iŋˈɡrejze], biçicretta [bisiˈkretˑa] e compricâ [kuŋpriˈkaː]. Into DEIZE se repòrta tutte doe e grafie, quande en addeuviæ da-i parlanti. In scê alternanse de prononçia do zeneise d’ancheu scompartie da-a communitæ de locutoî, e in scê seu representaçioin lescicografiche (in parte repiggiæ into DEIZE), s’ammie in particolâ Lusito (2025, § 6).

Coniugaçioin

obrigâ

Indicativo

Presente

  1. mi òbrigo
  2. ti t’òbrighi
  3. lê o/a l’òbriga
  4. niatri obrighemmo
  5. viatri obrigæ
  6. liatri òbrigan

Imperfetto

  1. mi obrigava
  2. ti t’obrigavi
  3. lê o/a l’obrigava
  4. niatri obrigavimo
  5. viatri obrigavi
  6. liatri obrigavan

Futuo

  1. mi obrighiò
  2. ti t’obrighiæ
  3. lê o/a l’obrighià
  4. niatri obrighiemo
  5. viatri obrighiei
  6. liatri obrighian

Conzontivo

Presente

  1. che mi òbrighe
  2. che ti t’òbrighi
  3. che lê o/a l’òbrighe
  4. che niatri obrighemmo
  5. che viatri obrigæ
  6. che liatri òbrigan

Imperfetto

  1. che mi obrighesse
  2. che ti t’obrighesci
  3. che lê o/a l’obrighesse
  4. che niatri obrighescimo
  5. che viatri obrighesci
  6. che liatri obrighessan

Condiçionale

  1. mi obrighieiva/obrighiæ
  2. ti t’obrighiësci
  3. lê o/a l’obrighieiva/obrighiæ
  4. niatri obrighiëscimo
  5. viatri obrighiësci
  6. liatri obrighieivan/obrighiæn

Imperativo

  1. òbriga ti!
  2. obrighemmo niatri!
  3. obrigæ viatri!

Partiçipio passou

  1. m. s. obrigou
  2. m. p. obrigæ
  3. f. s. obrigâ
  4. f. p. obrigæ

Gerundio

  1. obrigando

Bibliografia

  • S. Lusito, Aspetti teorici e pratici della redazione di un dizionario genovese-italiano della lingua contemporanea. Metalessicografia di una varietà romanza di koinè, Edizioni dell’Orso, 2025