Conseggio pe-o Leggere e scrivere
in genovese
Salla di Ceghi (Chierici), biblioteca Berio, Zena
A lengua zeneise a l’à unna tradiçion scrita ch’a va avanti sensa interruçion da l’Etæ de Mezo a-a giornâ d’ancheu; a l’é deuviâ ancon oua no solo comme lengua lettiäia da un gruppo d’autoî che se reconoscian into seu recorso d’erto livello, ma a l’attreuva spaçio anche comme còdiçe d’informaçion e de commento in sce sciti web e giornali stampæ, dando preuva d’avei mantegnuo delongo e seu fonçioin comme mezzo de communicaçion.
In sciâ base de sta cosciensa, o Conseggio pe-o patrimònio linguistico ligure o l’organizza un convëgno de studio e de reflescion in sce sti argomenti, donde piggià parte reçercatoî, editoî e persoñe impegnæ in primma fia inte l’utilizzaçion do zeneise into campo lettiäio e giornalistico.
L’evento o saià tegnuo mätesdì a-i 19 de dexembre, inta salla di Ceghi (sala dei Chierici) da biblioteca Berio de Zena, da 14:00 à 17:30. Tutti i çittadin en conviæ à parteçipâ e à intervegnî inta discuscion. A capiensa mascima da salla a l’é de 99 persoñe.
manifesto do convëgno
Programma
| Oa | Evento |
|---|---|
| 14:00 | Reçevimento e salui |
| 14:30 |
Una lingua per l’oggi: il genovese, la sua promozione e le nuove tecnologie Jean Maillard Reçercatô zeneise in sce l’intelligensa artifiçiâ appricâ a-a linguistica, PhD University of Cambridge |
| 14:45 |
Genovese e ligure: profilo linguistico e panorama letterario Stefano Lusito Reçercatô in linguistica e lettiatua ligure |
| 15:00 |
Da E restan forme a Zimme de braxa: pubblicare la letteratura ligure Piero Cademartori Poeta e editô de Zona |
| 15:15 |
Il tempo nuovo della poesia in ligure: il Novecento e il Duemila Alessandro Guasoni Poeta, narratô e saggista, o l’à pubricou unna dozzeña de volummi in e in sciô zeneise |
| 15:30 |
Non solo föe: la letteratura per l’infanzia d’espressione ligure Anselmo Roveda Scrittô, professô à l’ISIA d’Urbin, autô de Letteratura per l’infanzia in genovese (2022) |
| 15:45 |
Fare giornalismo in genovese: radiotelevisione e web Fabio Canessa Giornalista e autô zeneise, o l’à travaggiou pe Primocanale, Telenord e Genova24 |
| 16:00 | Pösa cafè |
| 16:15 |
Intermezzo muxicale co-o Paolo Besagno Compoxitô e autô de testi in zeneise, da-o 1993 direttô de «I Giovani Canterini di Sant’Olcese» |
| 16:30 |
Fare giornalismo in genovese: la carta stampata Andrea Acquarone Giornalista e autô, responsabile da pagina Parlo Ciæo de Il Secolo XIX |
| 16:45 |
Nella parlata di Carrosio, varietà ligure d’Oltregiogo Roberto Benso Scrittô, prescidente onoräio do Centro Studi di Novi Ligure, primma direttô da revista «In Novitate» |
| 17:00 |
Una lingua a confronto con il mondo: esercizi di traduzione in genovese Enrico Granara Traduttô e scrittô in zeneise, primma diplomatico de carriera à Romma e à l’estranxeo |
| 17:15 |
A voxe a-o çentro Bruna Pedemonte Poeta e attoa de tiatro zeneise, a conlaboa co-a pagina Parlo Ciæo de Il Secolo XIX |
Moderatoa: Rosa Ronzitti, professoa de Glottologia e Linguistica à l’Universcitæ de Zena