Conseggio pe-o 
DEIZE
O Conseggio pe-o patrimònio linguistico ligure o presenta con piaxei o DEIZE, un diçionäio elettrònico italian-zeneise à cua do Jean Maillard e ch’o peu contâ in sciâ consulensa linguistica de Fabio Canessa, Lusciandro Guason, Stefano Lusito, Claudio Rezzoagli, Anselmo Roveda e Fiorenso Toso.
O DEIZE o representa o strumento ideale pe chi veu reçercâ o lescico do zeneise à partî da quello de l’italian. I contegnui do diçionäio, ch’en delongo missi à giorno, en basæ in sce l’examme de unn’ancia bibliografia de referensa e in sce de investigaçioin condute direttamente co-i locutoî.
presentaçion do diçionäio
Scià çercan unna referensa in sce papê?
O neuvo Dizionario italiano-genovese do Steva Lusito o l’é pensou apòsta pe chi çerca unna scintexi do lescico italian ciù frequente missa à confronto co-e seu equivalense in zeneise. O diçionäio o l’appresenta ascì unna larga seleçion de frase d’exempio, d’esprescioin idiomatiche e de proverbi, e o mette in evidensa tante de costruçioin despæge tra e doe lengue.
Scià peuan cliccâ chì pe ammiâ o produto into scito de l’editô.