Gabriello Chiabrera (16th–15th cent.)

The imaginative baroque author Chiabrera was one of the most famous poets of his time, and was the first to attempt to introduce the metres and stanzas of Greek and Latin poetry into Italian poetry. He was born in Savona in 1552, where he died in 1638. He was a friend of Cavalli and Grimaldi Murassana, and claimed that through poetry he wanted – like his compatriot Columbus in his geographical discoveries – “either to find a new world or perish”. He composed a number of songs in Ligurian, in which one finds the same bold experimentalism as in his Italian production. He wrote the preface to the first edition of the Cittara Zeneise, in which he acknowledged Cavalli’s Ligurian genius, since “Liguria produces Troubadour men, and Troubadours of things never imagined and barely believed”. Even if we are not quite sure that these “serenatas” are really the work of Chiabrera, they are certainly evidence of a local interest in Ligurian poetry, influenced by contemporary Genoese literature, which could not fail to find continuators in Ligurian literature in the centuries to come.

Serenata I

Aora che scciassa ben dorme ra gente
per ro scuro do Cé,
se te resveggio, perla d’Oriente,
non te ne fasse fé:
mi non dirò
né scciaierò
dra pietæ
che ti non hæ
dirò de quello
tò morin bello
che posse orbì chi ne dirà moæ mà.

Sotto re tò parpelle appé dri oeggi
sta sempre Amò vexin,
comme sotto re grotte appé dri scuoeggi
sta sempre ro zinzin;
né zinzin tante
ha spinne quante
frecce de fuoego
per ogni luoego
senza stancase
senza astallase
quell’orbo barestré tira de lì.

Questo ch’ho dito è quarche comensæga
dre bellezze che ti hæ;
ma chi per ben çerca ra liveræga,
ra porrà trovà moæ?
Lavre coralli,
denti crestalli,
moen gianche, dïe
arbe, purïe,
gora, tettinna
scciumma marinna,
requæran mille e mille lengue e ciù.

Né mi parlo de ti de questa sorte
perché sæ innamoraou,
che sebben ra pascion me dà ra morte,
a no m’ha imbarlugaou;
ma tutti quanti
o sæn mercanti
o sæn citten
o artexen
se o se raxonna
dra to personna
appointo dixan comme digo mi.

Domenega, à ra messa un de Rivera
– de San Remmo, me crao –
comme have visto un poco ra to cera,
tutto maraveggiaou
disse: «Compagni,
per ri mæ agni
quando de sciù,
quando de zù,
no lascè cara
senza cercara
da Mónego e da Crovo intro confin.

Per ogni luoego è ben quarche civetta
da mirà vorenté,
ma missa appé de questa fantinetta
stagghe ognunna inderé;
chi occorre dì?
Ne contraddì?
Ogni docezza,
ogni bellezza
è chì restreita:
che sæ beneita
da Dé ra mamma chi ghe dé ra tetta.»

Pensa se ro mæ cuoe stava intro læte
quando l’odiva dì…
ma veggo un certo là chi pà chi agguæte,
e sento atri vegnì:
Oh! veggo færi!
Saralo sgheri,
oppù per sorte
sarà ra corte?
Caro barascio,
mi chì te lascio,
che porto giacco e daga a fusellà…

Serenata II

Questa è quella muraggia,
questo è quello canton,
oh, bella serenaggia
da fâse à ro barcon!
Çerto, compagni,
ra bella sta à scortâ,
che per questa contrâ
ghe sa tròppo de bon.

Oh, sciù, metteive à l’òrde,
Zane, che se conven,
aggiustè ben re còrde
tirære monto ben,,
e tutta a neutte
finché ra lunna manca
cantæ quella man gianca
che l’anima ne ten.

Dì che scciumma marinna
ghe perderà d’arbô
e perla levantinna
perderà de sprendô,
e che a ne strenze
giusto comme tenaggia
e che ri coeu ne taggia
seben non ha razô.

Amô per sò sorasso
descende da ro çê,
e peu ghe va derrê,
e se un coeu mira
ferio da ra saetta,
va comme can barbetta
e se ro porta à lê.

Quando stavi ballando,
o bella, à ro giardin,
mi stava contemplando
ro tò bello morrin
e assemeggiava
re masche cororie
à re reuze sciorie
ra bocca à ri rubin.

Ra fronte me pareiva
unna carma de mâ,
ra gora, quando neiva,
ra neive chi è nevâ;
ma ri belli oeuggi,
per quanto ghe pensasse,
per quanto ghe çercasse,
non seppi assemeggiâ.

Aora ra tramontanna
me metteiva in pensiê,
e aora ra dianna
pe ro seren dro çê
da peu dixeiva:
«Questi han superiô,
ma quello sò sprendô
lascia tutto inderrê».

Me missi ancora in mente
ro sô de mezzo dì,
ma ben che o sæ luxente
ro mæ pensiê fallì,
perché per sciòrte
se guardo ra sò spera,
comme voeuzo ra ciera
no veggo da chì lì.

Non ha questo defetto
quell’euggio tò seren;
ne dà sempre diletto,
sempre allegri ne ten:
sempre soave
fa sempre cado ciæro
tutto che comme læro
ròba ri coeu d’in sen.

O pâ, se ti ro ficchi,
un farcon peregrin,
e se ti ro bosticchi
corre comme un darfin,
se ti ro abbassi
pâ che ro sô tramonte;
se ti äsi ra fronte
retorna ro matin.

Bell’euggio zovenetto
fa tutto çò che o veu,
ma dimme, o barascietto,
veito moæ ro mæ coeu?
Se ti ghe guardi,
gran sangue ti viræ,
ma perché ti ra fæ,
ra ciaga no me deu.