Conseggio pe-o patrimònio linguistico ligure

Conseggio ligure

DEIZE

Diçionäio italian-zeneise

sentire

v. tr.
  1. udire o provare altre sensazioni

    sentî [seŋˈtiː]

    la senti anche tu questa musica?

    ti â senti ti ascì sta muxica?

    non lo senti il freddo?

    no ti ô senti o freido?

  2. ascoltare

    sentî [seŋˈtiː]

    stâ à sentî [ˈstaː seŋˈtiː]

    è in camera sua che sente la musica

    a l’é inta seu stançia ch’a sente a muxica

  3. per attirare l’attenzione dell’ascoltatore

    ammiâ [aˈmjaː] (var. miâ)1

    aloa avv. [aˈluːa]

    alantô avv. [alaŋˈtuː] (var. alantoa)

    senti, mi daresti un passaggio?

    ammia, ti m’ô daiësci un strappo?

Pe saveine de ciù

1. Pròstexi de [a]- in verbi e sostantivi

In zeneise a pròstexi – saiva à dî l’azzonta in poxiçion iniçiale – de unna vocale [a]- a l’é assæ frequente inte tante forme verbale. Sti verbi peuan donca presentâse co-a doggia forma, pe exempio: arregordâ [areɡurˈdaː] ~ regordâ [reɡurˈdaː]; addeuviâ [adøːˈvjaː] ~ deuviâ [døːˈvjaː]; allevâ [aleˈvaː] ~ levâ [leˈvaː]; ammiâ [aˈmjaː] ~ miâ [ˈmjaː]; arrecheugge [areˈkødʒˑe] ~ recheugge [reˈkødʒˑe]. Ben che in origine sto fenòmeno o poeiva avei unna fonçion intenscificativa, inta prattica tutte doe e forme – con ò sensa a vocale iniçiale – en equivalente e no compòrta nisciuña variaçion de scignificato. O fenòmeno o l’interessa ascì çerti sostantivi deverbali, comme arregòrdo [areˈɡɔːrdu] ~ regòrdo [reˈɡɔːrdu], allevamacce [ale(ː)vaˈmatʃˑe] ~ levamacce [ale(ː)vaˈmatʃˑe] ò arrecuggeita [arekyˈdʒejta] ~ recuggeita [rekyˈdʒejta]. Anche inte sti caxi, pe-o sòlito e doe forme no implican de differense de scignificato. Into DEIZE, e forme con ò sensa pròstexi de [a]- en lemmatizzæ inta forma consciderâ ciù frequente inte l’uso generale.

Coniugaçioin

ammiâ

Indicativo

Presente

  1. mi ammio
  2. ti t’ammii
  3. lê o/a l’ammia
  4. niatri ammiemmo/ammiemo
  5. viatri ammiæ
  6. liatri ammian

Imperfetto

  1. mi ammiava
  2. ti t’ammiavi
  3. lê o/a l’ammiava
  4. niatri ammiavimo
  5. viatri ammiavi
  6. liatri ammiavan

Futuo

  1. mi ammiò
  2. ti t’ammiæ
  3. lê o/a l’ammià
  4. niatri ammiemo
  5. viatri ammiei
  6. liatri ammian

Conzontivo

Presente

  1. che mi ammie
  2. che ti t’ammii
  3. che lê o/a l’ammie
  4. che niatri ammiemmo/ammiemo
  5. che viatri ammiæ
  6. che liatri ammian

Imperfetto

  1. che mi ammiesse
  2. che ti t’ammiesci
  3. che lê o/a l’ammiesse
  4. che niatri ammiescimo
  5. che viatri ammiesci
  6. che liatri ammiessan

Condiçionale

  1. mi ammieiva/ammiæ
  2. ti t’ammiësci
  3. lê o/a l’ammieiva/ammiæ
  4. niatri ammiëscimo
  5. viatri ammiësci
  6. liatri ammieivan/ammiæn

Imperativo

  1. ammia ti!
  2. ammiemmo/ammiemo niatri!
  3. ammiæ viatri!

Partiçipio passou

  1. m. s. ammiou
  2. m. p. ammiæ
  3. f. s. ammiâ
  4. f. p. ammiæ

Gerundio

  1. ammiando
sentî

Indicativo

Presente

  1. mi sento
  2. ti ti senti
  3. lê o/a sente
  4. niatri sentimmo
  5. viatri sentî
  6. liatri sentan

Imperfetto

  1. mi sentiva
  2. ti ti sentivi
  3. lê o/a sentiva
  4. niatri sentivimo
  5. viatri sentivi
  6. liatri sentivan

Futuo

  1. mi sentiò
  2. ti ti sentiæ
  3. lê o/a sentià
  4. niatri sentiemo
  5. viatri sentiei
  6. liatri sentian

Conzontivo

Presente

  1. che mi sente
  2. che ti ti senti
  3. che lê o/a sente
  4. che niatri sentimmo
  5. che viatri sentî
  6. che liatri sentan

Imperfetto

  1. che mi sentisse
  2. che ti ti sentisci
  3. che lê o/a sentisse
  4. che niatri sentiscimo
  5. che viatri sentisci
  6. che liatri sentissan

Condiçionale

  1. mi sentieiva/sentiæ
  2. ti ti sentiësci
  3. lê o/a sentieiva/sentiæ
  4. niatri sentiëscimo
  5. viatri sentiësci
  6. liatri sentieivan/sentiæn

Imperativo

  1. senti ti!
  2. sentimmo niatri!
  3. sentî viatri!

Partiçipio passou

  1. m. s. sentio
  2. m. p. sentii
  3. f. s. sentia
  4. f. p. sentie

Gerundio

  1. sentindo
stâ

Indicativo

Presente

  1. mi staggo
  2. ti ti stæ
  3. lê o/a stà
  4. niatri stemmo
  5. viatri stæ
  6. liatri stan

Imperfetto

  1. mi stava
  2. ti ti stavi
  3. lê o/a stava
  4. niatri stavimo
  5. viatri stavi
  6. liatri stavan

Futuo

  1. mi staiò
  2. ti ti staiæ
  3. lê o/a staià
  4. niatri staiemo
  5. viatri staiei
  6. liatri staian

Conzontivo

Presente

  1. che mi stagghe
  2. che ti ti stagghi
  3. che lê o/a stagghe
  4. che niatri stemmo
  5. che viatri stæ
  6. che liatri staggan

Imperfetto

  1. che mi stesse
  2. che ti ti stesci
  3. che lê o/a stesse
  4. che niatri stescimo
  5. che viatri stesci
  6. che liatri stessan

Condiçionale

  1. mi staieiva/staiæ
  2. ti ti staiësci
  3. lê o/a staieiva/staiæ
  4. niatri staiëscimo
  5. viatri staiësci
  6. liatri staieivan/staiæn

Imperativo

  1. stanni ti!
  2. stemmo niatri!
  3. stæ viatri!

Partiçipio passou

  1. m. s. stæto
  2. m. p. stæti
  3. f. s. stæta
  4. f. p. stæte

Gerundio

  1. stando

Polirematiche

→ non c’è peggior sordo di chi non vuole sentire, → sentire caldo, → sentire freddo.