Augusto Tessada (20th cent.)

Not much is known about Augusto Tessada, apart from the fact that, as he dixe himself, he was an employee of City Hall. Often, his verses are of occasion, and his interest is drawn mainly by facts of news and custom, by current events. In this sense, his Cappon Magro of 1909 is indicative of a way of thinking, of an era at the turn of the nineteenth and twentieth centuries, which saw the disappearance of so many customs and mentalities, the interest in but also the disquiet about modern science and the times to come, the reproach of the excesses of fashion, the appearance of the first automobiles. The abstract moralism of the good bourgeois was to give way within a few years to the unconditional exaltation of the age of technology and the machine, when the economic advantages that would follow were clear.

Automobilismo

Note how, in his indictment against the automobile, Tessada sees its use only for the purpose of escapism, to get high on speed, almost as a modern take on the classic “carpe diem”, and a celebration of the nullity of life. The arguments he uses are the same as those he might use against alcohol or drug addiction.

Fæ largo à l’automòbile
che o strepita, o derua
fra o fumme do petròlio
e i turbini de pua,
angæso fin de secolo
creou solo pe imbriægâ
a gente nevrastenica
chi è stanca de quetâ,
e de cangiâghe in estaxi
à fòrsa de corrî
a tragica catastrofe
de fracassâse e moî
Teuff! Teuff! se o veu passâ
lasciælo camminâ,
sta vitta a no se merita
che a s’agge à conservâ;
Teuff! Teuff! Unn’oa de gaudio
E pòi? sä cöse sä!
Se core, se preçipita,
se supera ògni intòppo,
ma ciù l’é intenso o fascino,
o no ve pâ mai tròppo,
no basta andâ zu abrettio
da fâse menissâ,
ma ancon ciù à preçipiçio,
e no corrî, ma sgheuâ
pe göde a beatitudine
de no trovâse ciù
pe un pö, co-o mondo a-o sòlito
prosaico tu per tu.
Teuff! Teuff! ecc.

Che impòrta se sta machina
pe pöco assæ che a vadde,
spesso non pöche vittime
a semena pe-e stradde?
Che impòrta se ne l’estaxi
da pròpria imbriagatua,
l’automedonte in maschera
o s’arve a seportua?
Tutte an avuo de vittime
e eccelse novitæ,
da-o sangue di sò martiri
son stæte cementæ!
Teuff! Teuff! ecc.

Imagine do secolo
che o core e o no se cua
de regole né d’òrdine
e o fa tutto in premua,
e pe poei vive un attimo
d’intensa voluttæ
o sprexa a vitta e o pròscimo
e lezzi e a civiltæ,
coscì l’é l’automòbile
pe un pö de mâ che o fa
de voluttæ ineffabile
quell’attimo o ve dà.
Teuff! Teuff! ecc.

O Sportman

Tessada’s caricature of the sportsman brings to mind certain characters of his era, which we still see in old silent films – the strongman with a stiff mustache – and a certain foreshadowing of the “much sought after” Gastone by Petrolini, evidently a topical feature.

O l’é l’òmmo ciù à giorno e riçercou
in tutto o movimento ricreativo;
o l’é sempre in faccende e o va
con gran bon gusto de natua sportivo.

Lê o no se mesccia mai de cöse vege;
solo tra e neuve o l’é tra i primmi in lista;
no gh’é veddriña drento a-a quæ o no spege
i baffi in ponta e i stivaloin da pista

Co-e damme, pòi, o fa de riverençe
che i damerin di secoli passæ,
se ô poessan vedde dieivan che licençe
de quella fæta no se l’ean piggiæ.

Quando o se mette a pelle d’orso gianco
e in sciô Teuff-Teuff o core à rubatton
o gia o se remescia e o no l’é stanco
de strenze a balla e manezzâ o timon.

Se o monta in bicicletta: fæghe röso!
O sgheua sciù e zu pe-e stradde à tutt’andâ,
e pâ ch’o digghe: ammiæ comme ghe pöso,
son pròprio o biciclista da giornâ.

In yacht ò in vaporin, se o va à dipòrto
o mette i distintivi do mainâ,
o tëgne o cannocciale e, feua do pòrto,
da tutti o se fa vedde à bordezzâ.

A-i bagni e con de miande variopinte
che fin a-i pesci devan dâ inte l’euggio,
o neua, o fa da mòrto e con doe spinte
o va sott’ægua oppure in çimma à un scheuggio.

Co-a sciabbra in man, co-a spâ, co-a carabiña,
o tia, o para, o spara, o fa tremmâ,
perché o l’é un gran tiatô, unna lamma fiña
e di sò duelli o mondo o peu parlâ.

In ippica, ginnastica e podismo
in tutte e varie cacce e canottaggio,
ne-e lòtte, into ballon e in alpinismo,
o sportman o l’é o primmo d’ògni saggio.

Coscì mi v’ò descrito, amixi cäi,
quest’òmmo d’unna fama celebrâ,
che o spende, comme mi n’ò visto mai,
e che da lê o commercio o peu sperâ.

Vorrieiva che o gradisse questo canto,
quantonque o segge fæto in ton burlesco,
a sciabbra mi â manezzo… tanto quanto…
ma lê se o s’arraggesse! – stæivo fresco!