Augusto Tessada (XX sec.)

Di Augusto Tessada non si hanno molte notizie, a parte il fatto che, come dixe lui stesso, era un impiegato del Municipio. Spesso, i suoi versi sono d’occasione e il suo interesse è attirato soprattutto da fatti di cronaca e di costume, dall’attualità; in questo senso, il suo Cappon Magro del 1909 è indicativo di un modo di pensare, di un’epoca a cavallo tra Otto e Novecento, che vede la sparizione di tante usanze e mentalità, l’interesse ma anche l’inquietudine per la scienza moderna e per i tempi che verranno, la deprecazione per le esagerazioni della moda, la comparsa delle prime automobili. L’astratto moralisimo del buon borghese doveva lasciare il posto da lì a qualche anno all’esaltazione incondizionata dell’età delle tecnica e della macchina, quando furono chiari i vantaggi economici che ne sarebbero derivati.

Automobilismo

Da notare come, nella sua requisitoria contro l’automobile, il Tessada ne veda solo l’utilizzo a scopo d’evasione, per ubriacarsi di velocità, quasi come un aggiornamente del classico «carpe diem», e una celebrazione della nullità della vita; le argomentazioni che usa sono le stesse che potrebbe usare contro la dipendenza dall’alcol o dalla droga.

Fæ largo à l’automòbile
che o strepita, o derua
fra o fumme do petròlio
e i turbini de pua,
angæso fin de secolo
creou solo pe imbriægâ
a gente nevrastenica
chi è stanca de quetâ,
e de cangiâghe in estaxi
à fòrsa de corrî
a tragica catastrofe
de fracassâse e moî
Teuff! Teuff! se o veu passâ
lasciælo camminâ,
sta vitta a no se merita
che a s’agge à conservâ;
Teuff! Teuff! Unn’oa de gaudio
E pòi? sä cöse sä!
Se core, se preçipita,
se supera ògni intòppo,
ma ciù l’é intenso o fascino,
o no ve pâ mai tròppo,
no basta andâ zu abrettio
da fâse menissâ,
ma ancon ciù à preçipiçio,
e no corrî, ma sgheuâ
pe göde a beatitudine
de no trovâse ciù
pe un pö, co-o mondo a-o sòlito
prosaico tu per tu.
Teuff! Teuff! ecc.

Che impòrta se sta machina
pe pöco assæ che a vadde,
spesso non pöche vittime
a semena pe-e stradde?
Che impòrta se ne l’estaxi
da pròpria imbriagatua,
l’automedonte in maschera
o s’arve a seportua?
Tutte an avuo de vittime
e eccelse novitæ,
da-o sangue di sò martiri
son stæte cementæ!
Teuff! Teuff! ecc.

Imagine do secolo
che o core e o no se cua
de regole né d’òrdine
e o fa tutto in premua,
e pe poei vive un attimo
d’intensa voluttæ
o sprexa a vitta e o pròscimo
e lezzi e a civiltæ,
coscì l’é l’automòbile
pe un pö de mâ che o fa
de voluttæ ineffabile
quell’attimo o ve dà.
Teuff! Teuff! ecc.

O Sportman

La caricatura dello sportivo che fa il Tessada fa pensare a certe macchiette dell’epoca, che ancora vediamo nei vecchi film muti, con l’uomo forzuto dai baffi rigidi, e un certo presagio del Gastone petroliniano «molto ricercato», evidentemente un luogo topico.

O l’é l’òmmo ciù à giorno e riçercou
in tutto o movimento ricreativo;
o l’é sempre in faccende e o va
con gran bon gusto de natua sportivo.

Lê o no se mesccia mai de cöse vege;
solo tra e neuve o l’é tra i primmi in lista;
no gh’é veddriña drento a-a quæ o no spege
i baffi in ponta e i stivaloin da pista

Co-e damme, pòi, o fa de riverençe
che i damerin di secoli passæ,
se ô poessan vedde dieivan che licençe
de quella fæta no se l’ean piggiæ.

Quando o se mette a pelle d’orso gianco
e in sciô Teuff-Teuff o core à rubatton
o gia o se remescia e o no l’é stanco
de strenze a balla e manezzâ o timon.

Se o monta in bicicletta: fæghe röso!
O sgheua sciù e zu pe-e stradde à tutt’andâ,
e pâ ch’o digghe: ammiæ comme ghe pöso,
son pròprio o biciclista da giornâ.

In yacht ò in vaporin, se o va à dipòrto
o mette i distintivi do mainâ,
o tëgne o cannocciale e, feua do pòrto,
da tutti o se fa vedde à bordezzâ.

A-i bagni e con de miande variopinte
che fin a-i pesci devan dâ inte l’euggio,
o neua, o fa da mòrto e con doe spinte
o va sott’ægua oppure in çimma à un scheuggio.

Co-a sciabbra in man, co-a spâ, co-a carabiña,
o tia, o para, o spara, o fa tremmâ,
perché o l’é un gran tiatô, unna lamma fiña
e di sò duelli o mondo o peu parlâ.

In ippica, ginnastica e podismo
in tutte e varie cacce e canottaggio,
ne-e lòtte, into ballon e in alpinismo,
o sportman o l’é o primmo d’ògni saggio.

Coscì mi v’ò descrito, amixi cäi,
quest’òmmo d’unna fama celebrâ,
che o spende, comme mi n’ò visto mai,
e che da lê o commercio o peu sperâ.

Vorrieiva che o gradisse questo canto,
quantonque o segge fæto in ton burlesco,
a sciabbra mi â manezzo… tanto quanto…
ma lê se o s’arraggesse! – stæivo fresco!