Ettore Chiappe (d. 1958)

A company executive, Ettore Chiappe was chiefly a poet of vignettes, but at times he found a thoughtful lyrical vein resembling Firpo’s. Though he could not match Firpo’s achievement, his work offers further evidence that a renewal of Genoese poetry was in the air during the first half of the twentieth century, even if it did not always find full expression.

Luña d’amê

Tutto o monte o l’é un lumme;
un faro rosso, un faro verde, un gianco;
se niña un barco stanco
comme in sce un mâ de ciumme.
A luña a s’arabesca
brillando in mezo a-i pin.
Parte un gosso pe-a pesca…
E, adaxo adaxo,
comme inte un baxo
s’addòrme Portofin.
Luña,
ti che t’ê doçe comme l’amê
pösite ancon in sciâ bruña
testiña
che a dòrme in sce l’oegê
à mi vixiña.
Luña d’amê
fanni coscì
che lê
dormindo a s’asseunne de mi.
Sponta de dietro a-o monte
’nna nuvia gianca ch’a se vedde appeña,
ma a fa unn’ombra in sciâ fronte
che primma a l’ea sereña.
Oua a luña a s’asconde
de dietro à un gròsso pin…
Batte un remmo in scê onde…
E lento lento
comme un lamento
reciòcca un campanin.
Luña
t’ê doçe, doçe comme l’amê
quande ti baxi a bruña
testiña
ch’a dòrme in sce l’oegê
à mi vixiña.
Luña d’amê
fanni coscì
che lê
dormindo a s’asseunne de mi.

Da A Lampara

In this rather long poem, Chiappe treats a subject also addressed by Firpo in a well-known poem of the same title. An octopus caught with a harpoon, in a setting almost reminiscent of the underworld, becomes a metaphor for human beings, ensnared by life’s promises but condemned to die. In Firpo, the same metaphor remains implicit and is conveyed through a concise description, with greater artistic success. Chiappe’s poem nevertheless reveals the similar cultural roots and concerns about existence shared by the two writers.

Fisso i euggi, là in sciô mâ
là da-i scheuggi brilla un lumme;
se intravedde parpellâ
quarche cösa into barlumme.

Cösa viva no, a no pâ
quella fragile figua
là tra i scheuggi sorvia o mâ
inta neutte neigra e scua.

Fisso i euggi: a pâ impastâ
con do sciou e con do fumme:
fòrse unn’anima scappâ
a-o Pilòtta do Gran Sciumme?

Fòrse l’ombra de un mainâ,
l’ombra sccetta, l’ombra nua
che o sò còrpo a va à çercâ
sensa onô de seportua?

Fisso i euggi: sensa fô
unna sæta l’ægua a sguara;
tremma o mâ cangiando cô
sotto a-a luxe da lampara.

Veddo o sangue, sento un dô
che into cheu o me martorizza;
perché preuvo tanto amô
pe quell’ëse chi agonizza?
…

The poet identifies with the animal, which sees the light of the fishing lamp in the distance and rushes towards it, just as human beings fall for the allure of youth and happiness.

Cöse veddo? Lazù da Ponente
s’arve a nebbia, gh’é un ponto schillente
e da-o ponto se libera un raggio
ch’o l’inlumina a stradda: «Coraggio»,
me mogogna unna voxe inte l’oegia:
«Vanni, vanni! T’æ a scòrsa un pö vegia,
ma t’æ l’anima zovena e neuva;
vanni, affronta, subisci sta preuva.
Là da luxe gh’é fòrse a tò glòria,
là t’aspeta o parmê da vittòria.»
E unna man a me piggia pe-o brasso
e a m’aggiutta pe fâ o primmo passo.
E mi vaddo là verso ponente,
verso a luxe into ponto schillente.
…
Quante reuse in scî bòrdi da stradda!
De profummi e de coî che sciampradda!
Oua scì che l’é bello ëse a-o mondo,
oua scì pe arrivâ lazù in fondo.
Ma o carroggio de reuse o finisce;
da atre stradde unna streuppa sccioisce
de zoenòtti, de vegi che sponcian
pe arrivâ là da-a luxe, se ronsan
i ciù bulli abbattendo i ciù fiacchi
con e man, con e gomie, co-i tacchi.
Mi zinzaño, ma a voxe a me sbraggia:
«Vanni!» e vaddo into mezo a-a marmaggia.
Solo spiñe gh’é oua pe-a stradda
e into sangue finisce a sciampradda.
In sciâ fronte de rughe gh’ò pin
e into cheu tante spiñe. Ma a fin
a l’é pròscima… un sato… m’agguanto
e into mezo da luxe me cianto.
Un sponcion, un streppon, unna bòtta…
l’é finio co-a vittòria a mæ lòtta.
Inte l’ombra çent’euggi m’ammian,
çento man pe abberrâme me tian…
(Cöse impòrta se ò tanto soffrio?
Oua ò vinto… e mi rio… e mi rio)
Zum! Ma a fiòcina o beutta o Destin…
Addio luxe, addio vitta, a l’é a fin.
…