Nicolò Bacigalupo (1837–1904)

Nicolò Bacigalupo was a highly educated individual, a connoisseur of classical and major modern languages. He was Treasurer of the Municipality of Genoa, an amateur of figurative arts and acting, and some of his plays, such as I manezzi pe maiâ ’na figgia, became workhorses of Gilberto Govi. His work, mostly burlesque in character, had a great influence on a great many authors, who identified, and sometimes still identify, Genoese poetry with the cheap double entendre joke. The great success of Bacigalupo’s work testifies to the moment when the Genoese language truly became a “dialect”, in the sense of a language subordinate to another of greater prestige, and now destined only for uses of little importance, with the approval of the audience of the time. The decline of Genoese is also evident from the lexical and syntactic point of view. While Italianisms appear more and more frequently, sentence construction is also often traced back to Italian. However, Bacigalupo also sometimes manages to be a fairly convincing poet with a melancholic and pensive vein, as in the cycle of sonnets dedicated to the Ligurian Riviera. Among his best-known texts, the parody version of the Eneid, O pappagallo de moneghe, Montecatini, Inni civili, O canto da rumenta.

San Fruttuoso

I

Comme un dattao de mâ ti pai serrou
ne l’enòrme muagion de Portofin,
che zu à picco o pâ stæto scöpellou
da-i Ciclöpi in sce un mâ sempre turchin.
San Fruttuoso, ti ê verde e profummou
da-i arömi de alighe e de pin,
e feliçe perché ti ê segregou
da-i costummi avviçiæ di tò vexin.
Ma ciù ardio procaccin t’à visto a stòria,
me ô dixe quell’artiscimo torrion
e e tombe antighe da famiggia Dòria.
E ne deve ancon vive a tradiçion,
benché inçerta ne segge ògni memòria,
into sangue da tò popolaçion.

II

Sangue d’ingenui impàvidi mainæ,
che, fæti a-e lòtte e a-e traversie do mâ,
semplicemente e con spontaneitæ
fan di eroismi da strasecolâ.

Son questi impulsi de rivalitæ,
eròica Avegno, che t’an fæto andâ
(comme se fosse pe salvâ i tò fræ
da unna mòrte imminente e disperâ)

co-o tò gosso, pe mette in salvamento
a ciurma do piròscafo incendiou,
meza matta pe-o fumme e da-o spavento.

E a vitta preçiosa ti æ lasciou
inti gorghi do mæximo elemento
o quæ nasce o t’à visto e o t’à educou.

Montecatini

In the poem Montecatini (1902), Bacigalupo describes the well-known spa resort, a favorite destination of the Genoese bourgeoisie, and takes the opportunity to portray stereotypical characters and caricatures, brilliantly aided by the mischievous stroke of cartoonist Giuseppe Garuti, also known as Pipein Gamba, also known as Pipinus da Modona, famous for his Belle Époque style sketches of damsels, which were considered provocative at the time.

Òmmi zoveni, vegi e dònne e figge
d’ògni classe, colore e d’ògni etæ,
di papæ circondæ da-e sò famigge,
di zoenòtti eleganti ed attillæ,
prævi, moneghe e fratti e inta partia
qualche antiga mondana, in avaria.
Ma de queste però, pe dî a veitæ,
ghe n’é pöche, ançi diò, quæxi nisciuña,
perché san che no gh’é a façilitæ
tra tanta gente, de poei fâ fortuña
perché l’ægua, passando, a pòrta via
co-o resto… i fummi da galanteria.

Mi no daggo però comme imposcibile
che malgraddo sta cua debilitante,
qualche dònna leggera ed accessibile
a no treuve da fâ vitta galante,
ma se mai, devo dî che a tocca scheuggio
sensa fâ tròppo sciato e dâ inte l’euggio.

The visitor begins to discern and even recognize famous people:

…

E inta rùstega sò serenitæ,
o colòsso de l’arte muxicale,
ch’o l’é lì accompagnou da-a sò meitæ
e da un astro canòro e colossale,
à beive l’ægua e destappâ o bronzin
a-a dreitua comm’o fosse un fradellin.
E chi sa se impastou de melodie
de contraponto e de modulaçioin,
o no veste de splendide armonie
e ciù basse e comuni operaçioin,
e o passe l’ægua quand’o l’é a-a latriña
c’unna fuga de Bach ò Palestriña?

E gh’é ascì accompagnou da-e sò scignoe
con l’aspetto e a tegnua d’un lô de mâ,
o primmo figgio d’un glorioso Eròe,
ch’o no sa comme arreze e camallâ,
benché largo de spalle e ben ciantou,
o nomme e a fama ch’o l’à ereditou.

…

E o ghe vedde un Ministro da Giustiçia
ch’o fa a cua comme un semplice mortale,
pe ammiâ de guarî da l’itteriçia
che gh’à dæto o sò còdice penale,
che o correze frattanto e che o ripassa
l’ultima vòtta mentre l’ægua a passa.

…

The review of stereotypical characters goes on, and with it the satirical jabs:

E gh’é un Vescovo vegio e francescano
con tanto de cappello gallonou,
c’unna faccia da bùttero romano,
e co-a croxe in sciô peto, accompagnou
da tanto de camê e de caudataio
che ghe pòrtan a scatoa co-o breviäio.
Mi ghe scommetto, che lê o deve andâ
à passâ l’ægua accompagnou da doî,
comme a-a messa co-a muxica, cantâ
da l’offiçiante e da-i sò coadiutoî,
che ghe devan ad ògni operaçion
dâghe l’incenso e tiâghe sciù o röbon.

Deputæ, generali e senatoî,
ghe n’é à bizeffe che l’é un ben de Dio,
di radicali, di conservatoî,
d’ògni graddo de tinta e de partio,
che smaltiscian o liquido elemento,
comme passan e lezzi in parlamento.

Questi chì son però sempre in fonçion
ed assuefæti à liquidâse o Stato,
chì continuan à fâ st’operaçion,
invertendo e nòrme e o postulato,
liquidando i fenòmeni do pitto
pe mangiâ torna, ma con ciù appetitto.

Apparently, however, o sciô Nicolin was not just going there to pass the waters:

Se m’é leçito esprimme a mæ opinion,
inte gite de quæ son stæto à parte,
cös’à ciù soddisfæto a mæ attençion,
no l’é stæto a natura, o scito, ò l’arte,
né a bella vista, né l’antighitæ,
ma træ donnette ch’ean træ raritæ.
Unna bella bugaixe in sciô ciassâ
vixin a-a gexa de Montecatin,
che a stendeiva di drappi à fâ sciugâ
co’n profî da Madònna e tanto fin,
che da lê sola, à no vantâla tròppo,
a meitieiva unna gita in gallissòppo.

A bagniña da gròtta à Monsummano,
pesso de dònna colossale e fresca,
che int’un ambiente, dovve o còrpo umano
o ven ciù sciuto che no segge a lesca,
a l’é sempre ciù bella e rubiconda,
a l’é sempre ciù flòrida e ciù rionda.

Finalmente unna bella scignoriña
che a stà primma d’intrâ à Bòrgo à Buggian,
coscì bella, graçiosa e birichiña,
da ammalloccâla e da mangiâ pe pan.
E che a meitieiva d’attirâ i golosi
ciù che tutti i cantucci i ciù famosi.

Piggiâse o mâ do Rosso o cartâ

In the second half of the nineteenth century, Nicolò Bacigalupo’s theatrical production is thoroughly disengaged, pure entertainment, seeking easy comic effects. His characters are nothing more than conventional stereotypes: the grumpy old man, the schemer, the miser, the mischievous servant girl, the young lovers. Some of these take up figures from the traditional Baroque theater of the seventeenth century, but in an entirely different context, in a theatrical game disengaged from all reality, a world apart, functioning on its own. Nevertheless, it cannot be denied that these works are of some interest, if only in the construction of the perfectly paced plot and also in the language, usually more blunt and idiomatic than in the poems of this same author.

In the famous Piggiâse o mâ do Rosso o Cartâ (1870), the meddlesome Pippo Manezzi, although in good faith, causes great trouble for others, but especially for himself, because of his eagerness to want to “do good” at any cost. It was one of Gilbero Govi’s most successful performances early in his career, but was later gradually abandoned. What may interest us moderns about this play is the theatrical mechanism, relentless as clockwork. Also to be taken into account is the perfect Genoese, not at all watered down and highly expressive.

Atto II, Scena VI

BERTOMELIN: Cöse scià gh’intra voscià che mi fasse ò no fasse l’amô à mæ cuxiña? … che me regole ciù coscì che colà… cös’ean quelli mocchetti che scià m’à tiou pe tutto o tempo do disnâ?

PIPPO: Ah, ah, Bertomelin cao…

BER.: Gh’an dæto quarche incarrego? Scià gh’à quarcösa da vedde? Scià no sa che mi no l’intendo? Che mi no conoscio che ghe segge atro che mæ papà che o l’agge o diritto de scindicâ e mæ açioin, de regolâ a mæ conduta?

PIP.: Un momento… un momento… sò papà o l’à un diritto naturale e mi un diritto aquixio…

BER.: Comme sæiva à dî, un diritto aquixio?

PIP.: Scì scignor… un amigo o l’à lê ascì un diritto…

BER.: Ma che amigo d’Egitto; se voscià no ô conoscio da-a pesta.

PIP.: Se voî no sei amigo mæ, mi ô son do vòstro papà, e inte sta qualitæ no me pòsso esimme de çercâ de fâghe do ben, de levâghe di disturbi, di dispiaxei… scì scignor, di dispiaxei, comme sæiva quello de veddive fâ un passo fäso, sposando vòstra cuxiña…

BER.: Passo fäso? Sciâ mie comme sciâ parla!

PIP.: Parlo comme devo, e n’ò beseugno che voî, che n’ei manco de pei gattin in sciô mento, me vegnî à dâ de leçioin. E me mäveggio ansi comme invece de ringraçiâme pe quello che fasso, me vegnî à perde o rispetto.

BER.: Sciâ rispette i atri…

PIP.: Mi rispetto tutti… E se v’ò dito che sposando vòstra cuxiña fæ un passo fäso, ve l’ò dito perché a l’é coscì. Primma de tutto perché a l’é unna figgia da vòstra etæ e sensa deutta, e in secondo leugo perché ve ribelliesci a-a voentæ de vòstro papà, ch’o no veu che fæ questo matrimònio… ecco lì.

BER.: Sciâ sa chi l’ea o Rosso o Cartâ?

PIP.: Ma cöse gh’intra o Rosso?

BER.: O Rosso o l’ea un tale che o se piggiava i fastidi de tutti e o s’incarregava de fâ giustiçia pe-i atri. Un bello giorno te l’an portou in sciô meu e te l’an appiccou, pe ësise vosciuo mescciâ dove no ghe spettava. E voscià se scià l’intrià inti mæ affari, sciâ sa cöse ghe tocchià? Unna facciâ de pugni.

PIP.: Comme… minacce? Pugni à mi?

BER.: (minacciandolo) Òh, pe tutto zu! Scià se creddieiva che no fosse bon? Pe un streppamicce comme voscià…

Scena VII

Manin, Falampi da destra, Pippo, Bertomelin.

MANIN:: Cöse gh’ælo? Cöse gh’ælo?

PIPPO: À mi streppamicce? à mi unna facciâ de pugni?

MAN: Pugni? chi l’é che veu dâ di pugni?

PIP: : Quello bello scignorin lì… e à mi, sciâ Manin… à mi!…

FALAMPI: Sentimmo, sentimmo… affare d’onore… gh’é beseugno de mi? son militare, e de queste cöse me ne intendo.

BER.: O l’é un affare tra mi e o sciô Pippo… cöse che no î riguardan lô.

PIP.: Sciâ mian un pô perché mi…

BER.: (interrompendolo) Ghe torno à dî che o l’é un affare tra mi e voscià… l’é inutile che scià ne fasse parte à di atri.