Santino Bruno Pezzuolo (1920)

In many poetry collections and literary competitions Pezzuolo has expressed in the Alassio idiom his moral reflections – writes F. Toso^[1] – “supported most often by the description of environments and situations, which are revealed in the final verses as metaphors of the author’s thought”. His works include I strassui de Pessö (1961) and U berrettin cu-a balla (1985).

^[1] F. Toso, Letteratura genovese e ligure in genovese e nei dialetti locali, Le Mani, 2009.

Avaxìa

Although Pezzuolo’s poems follow a conversation and popular style, we can be observe in them the author’s intent to ennoble his language by means of forms and constructs from literary Italian, such as the repeated verb/object inversions, implemented for metrical reasons, or to give more emphasis to the object itself, as in the following poem: “bunasse cippe a rumpe” instead of “a rumpe bunasse cippe”.

I scöggi cun l’erbetta
e longhe umbre i agguàntan
l’avaxìa ch’a sciùscia
bunasse cippe a rumpe.

Cugette gianche a righe,
averte e sènsa vitta,
tra e undette i lòccian
pe straccuò in battigia.

A crìa pe l’aria l’oca,
vàuta, cue vòre avèrte,
a pò in’àgnima gianca
ch’a mire de lasciù.

U sù in scia rada u picca
cui raggi soi ch’i brüxan,
speanse u dà a chi vive
inte ’n trantran tranquillu.

…

Cui pèi a baggnu e sèru
i öggi inte l’arzì
e ’nti riflessi d’oru
mi e çercu de capì.

In sci l’unda ch’a franze

I raggi de lüxe inta nötte
i brillan
in sci l’unda ch’a franze
a ’n vèntu
che, frescu, zü u sciùscia
au bullezzümme du mò.

I sgüian in scia sc-ciümma
ch’a frizze
insemme ai regordi ch’i restan
di soggni ch’i fan compaggnia
e i portan l’ommu a pensò.

E u vive da vitta,
ch’u filla,
u inventa pensceri incantai
cue ciare parolle feliçi
de belle furme de donna
che a-a lüna
aççesa in scia rada
i ciamman caresse d’amù.

Versu u chissà dunde

Quende l’aççesu sù da baggnu u sciorte
mirându a tèra viva
ch’a se veste
ti senti, o ommu, intu tran-tran da vitta
in quarchecòsa che sperânsa u porta.

A lüxe növa ch’a returna ancura
a dà l’eternu blö
au çé ch’u canta;
cui raggi d’oru a tenze ’na marina
pe musciò, in tèra, in pò de Paradisu.

Magnificu u l’é l’attimu ch’u passa
in sci stu mundu
d’oru culurau
pe dì a chi mira che, növa, ’na mattin
a riva e a va versu u chissà dunde.

Gudimmuse a lüse du giurnu

L’oru du sù
ch’u avaccia da baggnu
curui de lüxe u diseggna,
riflessi u recamma,
l’urizzunte u tenze.

Luntan u l’é aura u tramuntu.
Mirammuse estaxiai,
fra i raggi ciü aççexi,
stu vivu brillò
inta sò eterna cansun.

Guidau da ’n misteru
stu ciaru ch’u arriva
speransa u ne dà
pe vive in presente durau
inte’n tranquillu abbrassu
de pòxe.

Anche se a lüna a fa ciaru
e e stelle ciü i grillan
nu stammu a pensò
ai tramunti.
Gudimmuse a lüxe du giurnu.