Santino Bruno Pezzuolo (1920)

In molte raccolte di poesie e nei concorsi letterari Pezzuolo ha espresso nella parlata di Alassio le sue riflessioni morali – scrive F. Toso^[1] – «sostenuto il più delle volte dalla descrizione di ambienti e situazioni, che si rivelano nei versi finali come metafore del pensiero dell’autore». Tra le sue opere ricordiamo I strassui de Pessö (1961) e U berrettin cu-a balla (1985).

^[1] F. Toso, Letteratura genovese e ligure in genovese e nei dialetti locali, Le Mani, 2009.

Avaxìa

Benché le poesie di Pezzuolo seguano un andamento discorsivo e popolaresco, vi si può osservare l’intenzione da parte dell’autore di nobilitare la sua parlata per mezzo di forme e costrutti dell’italiano letterario, come le insistite inversioni verbo/oggetto, attuate per ragioni metriche, o per dare più risalto all’oggetto stesso, come nella poesia seguente: «bunasse cippe a rumpe» invece di «a rumpe bunasse cippe».

I scöggi cun l’erbetta
e longhe umbre i agguàntan
l’avaxìa ch’a sciùscia
bunasse cippe a rumpe.

Cugette gianche a righe,
averte e sènsa vitta,
tra e undette i lòccian
pe straccuò in battigia.

A crìa pe l’aria l’oca,
vàuta, cue vòre avèrte,
a pò in’àgnima gianca
ch’a mire de lasciù.

U sù in scia rada u picca
cui raggi soi ch’i brüxan,
speanse u dà a chi vive
inte ’n trantran tranquillu.

…

Cui pèi a baggnu e sèru
i öggi inte l’arzì
e ’nti riflessi d’oru
mi e çercu de capì.

In sci l’unda ch’a franze

I raggi de lüxe inta nötte
i brillan
in sci l’unda ch’a franze
a ’n vèntu
che, frescu, zü u sciùscia
au bullezzümme du mò.

I sgüian in scia sc-ciümma
ch’a frizze
insemme ai regordi ch’i restan
di soggni ch’i fan compaggnia
e i portan l’ommu a pensò.

E u vive da vitta,
ch’u filla,
u inventa pensceri incantai
cue ciare parolle feliçi
de belle furme de donna
che a-a lüna
aççesa in scia rada
i ciamman caresse d’amù.

Versu u chissà dunde

Quende l’aççesu sù da baggnu u sciorte
mirându a tèra viva
ch’a se veste
ti senti, o ommu, intu tran-tran da vitta
in quarchecòsa che sperânsa u porta.

A lüxe növa ch’a returna ancura
a dà l’eternu blö
au çé ch’u canta;
cui raggi d’oru a tenze ’na marina
pe musciò, in tèra, in pò de Paradisu.

Magnificu u l’é l’attimu ch’u passa
in sci stu mundu
d’oru culurau
pe dì a chi mira che, növa, ’na mattin
a riva e a va versu u chissà dunde.

Gudimmuse a lüse du giurnu

L’oru du sù
ch’u avaccia da baggnu
curui de lüxe u diseggna,
riflessi u recamma,
l’urizzunte u tenze.

Luntan u l’é aura u tramuntu.
Mirammuse estaxiai,
fra i raggi ciü aççexi,
stu vivu brillò
inta sò eterna cansun.

Guidau da ’n misteru
stu ciaru ch’u arriva
speransa u ne dà
pe vive in presente durau
inte’n tranquillu abbrassu
de pòxe.

Anche se a lüna a fa ciaru
e e stelle ciü i grillan
nu stammu a pensò
ai tramunti.
Gudimmuse a lüxe du giurnu.