Bruna Pedemonte (1963)

Originaria della Valpolcevera, di Cremeno le rimane un po’ dell’accento, i ricordi della primissima infanzia e l’uso di un genovese – dice lei – un po’ «grebano». Cresce al Biscione, quartiere che a scanso della cattiva fama, ha in realtà un carattere paesano, nel bene e nel male. Scrive poesie fin da bambina. Percepisce la scrittura come una necessità, un modo per padroneggiare meglio le emozioni. La sua prima poesia è stata scritta in genovese, ma poi per anni ha composto in italiano. Improvvisamente la lingua «padre» è riaffiorata e ha ricominciato a scrivere nella sua «parlata del cuore». Per parecchio tempo non ha preso in considerazione l’idea di condividere con nessuno quello che lei definisce «un esercizio solitario» finché, grazie ad un librettino intitolato Ciæi de lunäio nel quale aveva raccolto le poesie del 2010, non è stata convinta da cari amici a sfidare la propria ritrosia e ad aprirsi all’esterno. Così ha pubblicato in alcuni numeri di una rivista curata dalla biblioteca Lercari Alba Letteraria diverse sue poesie e le è stata offerta l’opportunità di avere una rubrica intitolata Spegetti bleu sul «Secolo XIX» all’interno della pagina «Parlo Ciæo». Il suo linguaggio poetico è essenziale, pittorico, evocativo. Da parte nostra, potremmo aggiungere che l’autrice ha desunto forse dalla sua fede buddista una capacità di fermare le sensazioni in un istante immutabile, per farne materia di meditazione.

Teggi

Sciortendo da-o luvego do bòsco
t’ei lì
i Teggi!

Mascâ de luxe.
Oudô de fen.
Sentî d’ægua boña.

E un pittin o sciou se scenta
e o cheu o s’incanta.

Settembre

Seccan e lerfe a-o meistrâ.

O çe o l’è un veddro turchin
de lumme antigo.

S’anneigra l’uga merella
ammeuia o figo.

Schitta o mæ tempo
comme un pescio in mâ.

Co-e so tesoie ruzze
settembre o çimma a luxe
e o vento co-a so voxe
mugugna cian cianin.

Seiaña

Tanto me piaxe Zena
mentre parpella a seia,
e into pòrto ’na veia
bansiga a-o vento de mâ.

Sproiña into sciöco cianzin
e muage me pan de sæa
l’arzillo ch’o ven da-a Rivea,
o pòrta magoin mai scentæ.

S’açendan i lampioin inti carroggi
maccaia, de læte a fa a luxe
e a l’è n’agoggia ch’a cuxe
’na teia de tutti i pensê.

O cheu comme unna coppa

O cheu comme unna coppa
ti l’impi comme t’ê,
chi solo d’ægua
chi sciöpo, chi d’amê.

Quello ghe mette a rappa
quello o vin.
Quarcun ghe mette o teuscego
e quarchedun l’arfê.

O cheu comme unna coppa
peu ëse fæto d’öo
de legno, rammo o pria,
sbalsou inte l’argento…

O mæ o l’è de cristallo
ammoou da-o vento.

Comme o cristallo o l’è delicou
comme o cristallo ti ghe veddi drento.

Da quande un giorno, un corpo l’à venou
m’affanno pe tegnî i tòcchi insemme,
vorriæ aveilo intrego e no se peu
perché son tròppe e creppe de mæ peñe.

Çerne d’empîlo ben fa a differensa,
se l’impo a l’òrlo de spremmua de luxe
da-e creppe sciòrte feua unna brillansa
ch’a inonda tutta a tæra in lontanansa.

Lampedusa, 3 ottobre 2013

Quell’öta
che pescavimo òmmi
e o mâ o l’ea neigro.

A raggia
a boggiva,
drento e feua.

Scuggia pietæ
che o mæ cheu o l’è
freido
duo
de pria.

Quande no se spëgemmo ciù
semmo soli
into
posso.

Mëzogiorno

E nuvie de pan
scoran o vento.

Fregugge de spegio
s’açendan in mâ.

A creusa de moin, condia de sâ
a conta co-i passi
o passo do tempo.

In radda gh’é i scheuggi che pan accoegæ.

O giorno de sô o reciamma l’estæ.

D’aggueito un öchin o stà à vedde s’a gh’é.

T’ei ti Boccadaze,
e muage che ascondan
coverte de lelloa mesccia a-o giäsemin
ne an visto giamin
da gente de mâ
chi anava à pescâ!

T’arröbo co-i euggi
ti intanto regheuggi
a toagia de fî
de vitte à vegnî.

A-e dònne

Da notare come le istanze femministe di fondo non si traducano qui in pedanti dissertazioni sociologiche, bensì in immagini fresche, naturali, immediate, ma non ovvie; quasi provenienti da una civiltà preindustriale e tutto sommato ottimistiche.

E dònne de pelle möa
son belle comme o sô.
Fan vegnî in cheu
a tæra,
o pan,
a moæ.

E dònne de pelle ciæa,
son legie comme o tulle,
e ödoan
de succao de confittua.

E dònne risse,
son nuvie de mouxi arrigoelæ.

Quelle de cavelli driti,
sæa ch’a scuggia a-e die.

Semmo belle
comme o çe
comme o monte
comme l’amê
comme o gran
comme o fen
comme l’ægua do riâ
comme föe do messiavo.

Semmo comme o mâ ciù fondo.
Intra noiatre nasce o mondo.

Camoggi

Aia savoia

Anche a pelle a l’intende
che chiño i scæn
che van a-o mâ.

Un pê apreuo à l’atro
e in scî risseu
son assettâ.

Dòppo tanto zazzun
me çibbo de lontanansa.

E quande o sô
o pittua d’öo
e scaveñe de veddro
de che ancheu son fæte e onde,
me gio
e no ammio
donde oua o s’anià à asconde.

Da-o barcon

’Na brancâ de luxe çeneeña
a l’inciastra Zena

Sparisce o mâ inte ’n çê
ciappa d’abbæn.

Con raffeghe e boffi o Gregâ
o tormenta i erboi

Fito e nuvie strepellian
in gæli gianchi

l’äia da drua a vegnià ræa
e se veddià a Rivea

Fin de frevâ

O piccinetto
O l’è passou.

A man averte
o n’à piggiou
à mascoin de vento
e no contento
o n’aspetava derê a-i canti
con stagnoin
d’ægua.

Despëtaddo

ghe gusta
ëse refioso.

Spesse vòtte
o mostra
’na lengua de sô
pe cansonâne.