Lucetto Ramella (1917-2014)

Nato a Oneglia, inizia la sua attività di promotore della lingua ligure nel 1977 con una sistematica raccolta su nastro di testimonianze di una generazione in fase di rapido trapasso. Fissa le sue esperienze in parecchi volumi, tra cui Oneglia, Oneglia bella (1978) e ne A Cengia (1979) dove raccoglie le filastrocche, i proverbi i modi di dire, le favole e ci presenta scorci di vita del passato: i giochi, il lavoro in terra e sul mare, la medicina tradizionale. Basse Bassette (1980) e Dodici poesie di Liguria (1984) sono raccolte di poesia in ligure e in italiano, mentre Careghetta D’Ou (1981) è una piacevole grammatica che il Rohlfs definisce, nel suo genere, “un vero capolavoro”. Notevole l’impegno nel teatro dialettale. Una sua commedia (Cacelotti e Ciantafurche), trascritta in volume nel 1982 è scelta dal Comune di Imperia per solennizzare i 60 anni di vita della città, portata sulle scene dalla compagnia Benedusi. Ramella è conosciuto anche come gastronomo: le sue Ricette tradizionali della Liguria sono un volumetto ormai considerato un classico che con parecchi anni di anticipo raccomanda un certo modo di alimentarsi oggi noto come dieta mediterranea.

Basse bassette

Quandu a l’eu picenen
in ch’in sciùsciu sulu
a l’aveeva vusciüu smurtâ
tütte e basse bassette
che in ta nötte funda
i vuava in ta vallâ.

Aù che a son cresciüu
a nu son tantu scangiau:
au ciàiu da lüna
a m’accuntenteeva
nu de smurtale tütte
ma de assèndine üna.

U viandante

I-na bursacca veggia appesa au collu,
patèlle ai péi,
ai fianchi i-na franèlla,
in pâ de braghe a righe,
u passu stancu,
u se ferma a beve l’àigua a’a funtanella.

Dunde ti vai, bell’ommu, pe sta stradda?
Forsci i-na mâi au spéta là luntan,
forsci in travàiu,
o u pensa a i-na garsuna
che magari a s’è zà maiâ
lazü au paìse, stanca de aspitâ…

Ma vellu u beve u beve e u nu rispunde,
u sguardu ch’u te mìa e u nu te vé:
forsci u l’è in mattu,
forsci u l’è in gran saggiu
che u pureeva andâ in carossa
ma u va a pè.

I soi prublemi u i porta in ta bursacca.
Perché u camìne dunca u nu se sà.
U beve ancù in sciàu d’àigua a’a funtanella,
u scrolla in pocu a testa e u se ne va…

A veggetta

I-na veggetta stanca
sula in ta sò stànsia
a pensa ai tempi longhi
da sò infànsia…

U n’è passau di anni,
a n’ha streppau di föii au calendaiu…

I regordi.

Sò pâi, a mâi Virginia,
Censen, u primmu amù
(a cunserva ancù
in penscieu passu in tu vucabulaiu…)

Sò fìu,
bravu cumme in sù,
mortu in tu trentasinque in Abissinia.

A begatta de péssa,
u vestì giancu da Cumenion.

Nint’autru:
tütta a sò vitta
a stà in t’in pessigu…

Ina lagrima
ch’a brüxia, a brüxia, a brüxia
a ghe china zü p’a faccia.

A veggetta
a se sente ancù ciü sula…

A dixe in’uasiòn
e a smorta a lüxe.