Martino Piaggio (1774–1843)

Martino Piaggio (1774-1843) è uno dei poeti genovesi più conosciuti, persino da coloro che non sanno niente di genovese; la grande diffusione ai suoi tempi del Lunario del Signor Regina ha fatto sì che tutti, più o meno, ne abbiano sentito parlare. Il Piaggio, però, più che un poeta è un cronista - spesso simpatico e disinvolto - della realtà genovese del suo tempo; testimone degli anni della Restaurazione, che vedevano in tutta Europa la fine delle illusioni portate dalla Rivoluzione Francese, e in Liguria la fine dell’indipendenza e l’annessione al Piemonte, il Piaggio ricava da questi avvenimenti una sua morale rassegnata: «di affari di politica non vi state a impicciare / chi nasce per ubbidire non deve comandare». E poi: «le rivoluzioni producono guai / e chi ubbidisce non fallisce mai». D’altronde, in quel momento non c’era altro da fare, per chi non desiderava seccature; al massimo si potevano tirare frecciatine sottili e garbate, senza mai parlare del Governo, mettere in evidenza i problemi della città a cominciare da quelli sanitari, prendersela con gli usurai e i padroni di casa esosi; ricordiamo verso la fine della sua vita quella che ora diremmo una campagna giornalistica in favore del vaccino contro il vaiolo; scrittore per tanti aspetti ancora settecentesco, razionalista e ragionatore, dà il meglio di sé in una comicità quasi meccanica, da teatro delle marionette, espressa da un verso ottonario martellante e quasi ossessivo. Una delle favole più famose del suo Esopo Genovese, I due avari ha ispirato la celebre commedia goviana Pignasecca e Pignaverde ed è tipica per l’accumularsi di situazioni che sono tutto tranne che realistiche, da vero poeta popolare; in paragone osserviamo che la commedia di Govi si perde in particolari da teatro borghese che ne sminuiscono il valore satirico e si abbandona ad una retorica consolatoria e familista, proprio dove il Piaggio ci narra la fine dei due usurai con parole di condanna fredda e beffarda: «furono trovati da un suo vicino / tutti e due con un topo in bocca / dell’avaro degna fine».

I doì avari

Pignaverde e Pignasecca,
doî grandiscimi avaroin,
s’incontròn un giorno à caxo
passeggiando per cammin.
Pignasecca andava adaxo,
con e gambe ben sciarræ
per no fâ di neuvi sguari
a-e sò braghe repessæ.
Pignaverde in cangio andava
camminando de galòppo,
per frustâ unna scarpa sola,
comme un rango in gallisòppo.
Se saluòn sensa cavâse
de cappello, pe-a raxon
de no fâ do guasto a-o pisso,
ch’o l’ea o pesso ciù de bon.
E scicomme l’ea dex’anni
che no s’ean visti fra lô,
Pignaverde inviò l’amigo
à çenâ per fâse önô.
Pignasecca o no se ô fesse
dî doe vòtte, e o l’açettò,
per levâse a famme a-a giabba,
quell’invio, chi ô consolò.
O l’andò in sciô fâ da seia,
affammou pezo che un lô,
da l’amigo che, pe-o sguasso,
o cointò à creppâ da-o dô;
ma o se fé un önô inmortale,
ch’o ghe dé pan e fainâ,
de patatte, un euvo fesso,
e de çioule in fracassâ;
insalatta no ghe n’ea,
ché l’axou o servì per vin:
gh’ea per doçe de castagne
e per fruta pigne e armoin;
Gh’ea unna töa sensa posate,
co-a tovaggia de papê:
za carreghe no ghe n’ea
e mangiòn co-e die, d’in pê.
Bevven tutti doî a-a bottiggia,
che de gòtti no s’usava,
gh’ea per lumme appeiso à l’äia
un lummin da man chi spiava.
Per mobilia, poi, da stansia
gh’ea doe casce ben serræ;
e per tæra, (oh, bella vista)
di gren sacchi de dinæ;
int’un canto un pö de paggia,
ch’a serviva per dormî,
dove spesso ghe sciortiva
di rattoin da fâ stordî.
Pignasecca o mangiò tanto,
ch’o no poeiva ciù mesciâse,
e o l’andò, ma con gran stento,
sciù unna cascia pe assettâse.
Pignaverde o mangiò pöco,
ché o l’ea sempre desgustou
d’avei fæto tanta speisa,
ch’o se pæiva assascinou;
non ostante o fesse mostra
d’ëse tutto in allegria,
e o l’andò lê ascì à assettâse
per tegnîghe compagnia.
E lì, (comme doî sposoei,
dòppo d’ëse ben çenæ,
stan sciallandose in sciô gòtto
à contâ i sò amoî passæ)
coscì lô stavan façendo
di discorsci do sò päo,
con contâse a vitta e i miäcoi,
per fâ vedde chi ea ciù aväo;
e per dâghe unna gran preuva
d’econòmico costumme,
pe avansâ quello pöco euio,
Pignaverde ammortò o lumme;
Pignasecca o l’approvò
de stâ lì à discore a-o scùo,
e per no frustâse e braghe,
s’assettò lê ascì à cù nuo.
Ma passæ pöchi menuti
dòppo d’ësise assettæ,
Pignasecca o cazze mòrto
sorve un sacco de dinæ.
Pignaverde, essendo a-o scuo
e sentindo quello son,
o creddé ch’o gh’arröbasse,
e o creppò da l’apprenscion.
Dòppo quattro ò çinque giorni
fun trovæ da un sò vexin,
tutti doì c’un ratto in bocca,
de l’avaro degna fin.
Pignasecca aveiva in stacca,
scrïto tutto de sò man,
o sò testamento in regola,
meno a firma do scrivan,
into quæ pe un neuvo træto
d’avariçia originale,
solo lê l’ùnico erede
s’instituiva universale.
Pe risparmio pòi d’inciòstro
o l’ea scrïto ben sottî,
sensa vìrgole, né accenti,
manco i ponti à nisciun «i».
Pignaverde o non aveiva
ninte in stacca e, vixitæ
e doe casce, ean tutte piñe
d’öi e argenti ipotecæ.
A çent’un per çento l’anno
per caitæ, e da bon cristian,
solo o terso o l’imprestava
do valô do pegno a-a man.
Cöse mai ve serve, ò avari,
ch’ammuggiæ tanti dinæ,
de guägnâli con usua,
se beseugna che î lasciæ?
Fæne parte, fin ch’ei tempo,
con giustiçia, à chi ne tocca,
ché coscì viviei ciù megio,
né moiei c’un ratto in bocca!

Indovinello Façile

Il Piaggio è soltanto in apparenza un poeta alla buona, che butta giù versi come vengono; in realtà è imbevuto della cultura del suo tempo, come si può vedere quando riprende dei tòpoi letterari di quegli anni e li adatta alle condizioni della società genovese. In una lunga poesia ci descrive delle «smanie per la villeggiatura» alquanto goldoniane, mentre in quella che riportiamo qui fa parlare un «giovin signore» quasi pariniano.

Mi son quello che son, discoro sempre e mâ,
e o naso dapertutto veuggio sempre ficcâ;
vaddo in giandon, e a-o giorno montiä trexento scae;
striscio di pê, cammiño comme se avesse i ae;
sò tutte e belle aiette de teatro, vesto ben,
no temmo e tacche, ò a faccia pezo che i ciarlatten;
veuggio savei de tutto, de muxica de ballo,
de scherma (ma no sfiddo…) sò ben montâ à cavallo;
ò pöca boña fede, ninte ponto d’önô,
ma sò con tutte e dònne subito fâ l’amô.
Sò e novitæ galanti e i ciæti scandalosi,
ò sempre e stacche piñe de biggetti amorosi;
me vanto d’ëse bello, de no fâ ninte a-o giorno,
in letto andâghe à l’alba, levâme à mezogiorno.
Mi mangio e beivo ben, ninte me piggio a-o cheu,
e à l’öcaxon sò mette à un sciallo un pontaieu,
desprexo i dòtti, î critico, me piaxe ciù un sciorbetto;
comando e veuggio subito, ma pago un pö adaxetto.
Son petulante, ardio, no sò cöse me credde:
in Gexa gh’intro solo per vedde e fâme vedde:
che bella vitta fasso!… no sò se a pòsse duâ;
basta… se n’accorziemo a-a fin de Carlevâ.