I termini zeneixi che derivan da de forme latine in -ale(m) piggian in genere a desinensa -â, comme prinçipâ < principale(m). A-a giornâ d’ancheu se treuva de forme zeneixi in -ale inti latiniximi d’origine instruia, comme spirituale < spirituale(m), ben ben attestæ inte l’uso scrito; e inte forme che, inta lengua parlâ, an perso za da tempo a desinensa viaxa -â apreuvo à l’influenza de l’italiano. Inte sto diçionäio, consciderou e finalitæ che ô animan, se repòrta in preferensa e forme in -â quand’en effettivamente attestæ inte l’uso.