Antonio Pescetto (1770-1844)

Pescetto was a contemporary of Martino Piaggio, but while Piaggio kept as far from politics as possible, Pescetto followed every change of regime in his lifetime. As a young man, he wrote sonnets and a canzone for weddings among the nobility of Pietra Ligure, praising aristocratic society. After the Revolution of 1797, however, his account of the patriotic celebrations presented him as a poet of the people and a supporter of the Democratic Republic, with the customary tributes to Bonaparte and the French ambassador Faipoult. After annexation to the Kingdom of Sardinia, he wrote further verses praising the Savoyard governor in a poem about cholera in Genoa. Through all these changes, the poetry of Pescetto, an Arcadian poet under the name Ittinio Riccalbo, remained the same: carefully shaped, in a polished neoclassical and Arcadian style, with allegories and learned mythological references. He continued in this vein well into the nineteenth century.

Per re felisissime nòzze dro signor Maggioeu con ra signora Laoretta Chiappe

…
Ma za l’arba slavâ d’ògni corô
mescia lesta in Ponente re carcagne,
ro primmo raggio sparega ro sô
sciù ra zimma dre caze e dre montagne:
spandan re scioî scciuppando un grato odô,
onde son recamæ quelle campagne,
e o Meito e dre vitù tutta a marmaggia
tornan da ri spozoî ch’an misso in gaggia.

D’öfeuggio coronao con faccia franca
ro Meito batte a pòsta da corrê,
ra Fede ghe va aproeuo moæ frusta e stanca,
allegra in andriene de glassê,
l’Innocenza vestia con stòla gianca
con cera d’angeretto vòtta in sê,
ven con Pudô, Imeneo e Temperanza,
dando o brasso a-o Rispetto e à ra Constanza.
…

Memòia da festa patriòttica

During the French occupation, Genoa celebrated 14 July. Pescetto adopts the guise of a revolutionary and gives a spirited account of the bustle of those days.

De piffari e tamburi legionari
se sente tutto Zena rebombâ,
e bravi patriòtti in còrpi vari
ògni ciassa, ògni stradda za occupâ:
oeuttoçento de questi volontari
à sòrte destinæ sciù ro ciassâ
da Libertæ, ghe tocca l’ato onô
de brustolîse ben e croste a-o sô.
…
S’ærzan maestozamente ai quattro canti
adòsso à quattro gròssi pedestalli
quattro statue de forma de giganti
ardimentose comme tanti galli,
ogniunna à grossa orchesta ai pê davanti
per a festa do giorno e per i balli,
e chì ra bella Paxe e là a Speranza,
da st’atro lou Giustizia e ra Constanza.
…
Spartio da tutti i atri à drita parte
palco in gianco apparou sta lesto e pronto
onde an zugou tutto l’inzëgno e l’arte
di trei coroî per attressâ l’impronto
de quello procurou che Bonaparte
n’à costituio à tranquillâ ro conto
de tante tirannie de prepotenti
mai convertii per lagrime e per centi.
Per quattro maestose scarinæ
gran macchina se monta e se caminna,
che comme unna forteçça oppù çittæ
sta in mezo architettâ da man divinna:
l’ærboro ghe sta sciù da Libertæ,
chi ten ancon pe un pòco a testa chinna;
ma dindan ghe fa in çimma o berettin,
pòrto de libertæ, nave e coffin.

Il cholera in Genova

…
– Veleno, scì, veleno, mi l’ò visto –
sbraggia fòrte da-i Servi unna donnetta:
– quello sciô là (oh, còrpo d’Antecristo!)
buttâmelo into læte co-a bacchetta – ;
lê, futo in faccia, poveretto e tristo,
o destende ciù lesto un pò a gambetta,
mentre un sciammo de dònne se gh’assia,
ma i sordatti ô salvòn de poliçia.

Dixan che criasse unn’atra dònna à Pré,
chi mangiava unna tassa de menestra,
d’aveise visto sbatte zu un papê
de teuscego, seguo, da unna fenestra,
che un gatto restà secco in sciù doî pê
dòppo che in tæra un pò ghe n’ammenestra:
ma a poliçia n’à mai posciuo trovâ
a dònna, o gatto, a tassa, né o cuggiâ.
Questa voxe per Zena a se spanteiga
che n’é pin ògni casa, ògni carroggio,
neuve giastemme o pòpolo o desteiga
mentre che arreo crescendo va o borboggio,
che o governo, de çerto, avià da breiga
tante ave à reciammâ sciammæ da-o boggio;
ma chi tegnià do pòpolo o furô,
chi fremme e brontoa de cattivo umô?