Antonio Pescetto (1770-1844)

Era contemporaneo di Martino Piaggio, ma mentre questi si è tenuto il più possibile lontano dalla politica, Pescetto seguì tutti i cambiamenti di regime dei suoi tempi; infatti, inizia da giovane con dei sonetti e una canzone scritti in occasione delle nozze di alcuni membri della nobiltà di Pietra Ligure, con versi di elogio per la società aristocratica, ma dopo la Rivoluzione del 1797, con la descrizione delle celebrazioni della festa patriottica, si presenta come poeta popolare e sostenitore della Repubblica Democratica, senza dimenticare i dovuti encomi al Bonaparte e all’ambasciatore francese Faipoult. Dopo l’annessione al Regno di Sardegna, invece, Pescetto, in un suo poema sul colera a Genova, scriverà altri versi in lode del governatore savoiardo. In tutte le situazioni, la poesia di Pescetto, arcade con il nome di Ittinio Riccalbo, rimane sempre uguale, curata nella forma, di uno stile levigato, neoclassico e arcadico con allegorie ed erudite citazioni mitologiche, e continua sulla stessa linea fino all’Ottocento inoltrato.

Per re felisissime nòzze dro signor Maggioeu con ra signora Laoretta Chiappe

…
Ma za l’arba slavâ d’ògni corô
mescia lesta in Ponente re carcagne,
ro primmo raggio sparega ro sô
sciù ra zimma dre caze e dre montagne:
spandan re scioî scciuppando un grato odô,
onde son recamæ quelle campagne,
e o Meito e dre vitù tutta a marmaggia
tornan da ri spozoî ch’an misso in gaggia.

D’öfeuggio coronao con faccia franca
ro Meito batte a pòsta da corrê,
ra Fede ghe va aproeuo moæ frusta e stanca,
allegra in andriene de glassê,
l’Innocenza vestia con stòla gianca
con cera d’angeretto vòtta in sê,
ven con Pudô, Imeneo e Temperanza,
dando o brasso a-o Rispetto e à ra Constanza.
…

Memòia da festa patriòttica

Ai tempi dell’occupazione francese, a Genova si festeggiava il 14 di luglio; il Pescetto si veste da rivoluzionario e descrive di buona vena la confusione di quei giorni.

De piffari e tamburi legionari
se sente tutto Zena rebombâ,
e bravi patriòtti in còrpi vari
ògni ciassa, ògni stradda za occupâ:
oeuttoçento de questi volontari
à sòrte destinæ sciù ro ciassâ
da Libertæ, ghe tocca l’ato onô
de brustolîse ben e croste a-o sô.
…
S’ærzan maestozamente ai quattro canti
adòsso à quattro gròssi pedestalli
quattro statue de forma de giganti
ardimentose comme tanti galli,
ogniunna à grossa orchesta ai pê davanti
per a festa do giorno e per i balli,
e chì ra bella Paxe e là a Speranza,
da st’atro lou Giustizia e ra Constanza.
…
Spartio da tutti i atri à drita parte
palco in gianco apparou sta lesto e pronto
onde an zugou tutto l’inzëgno e l’arte
di trei coroî per attressâ l’impronto
de quello procurou che Bonaparte
n’à costituio à tranquillâ ro conto
de tante tirannie de prepotenti
mai convertii per lagrime e per centi.
Per quattro maestose scarinæ
gran macchina se monta e se caminna,
che comme unna forteçça oppù çittæ
sta in mezo architettâ da man divinna:
l’ærboro ghe sta sciù da Libertæ,
chi ten ancon pe un pòco a testa chinna;
ma dindan ghe fa in çimma o berettin,
pòrto de libertæ, nave e coffin.

Il cholera in Genova

…
– Veleno, scì, veleno, mi l’ò visto –
sbraggia fòrte da-i Servi unna donnetta:
– quello sciô là (oh, còrpo d’Antecristo!)
buttâmelo into læte co-a bacchetta – ;
lê, futo in faccia, poveretto e tristo,
o destende ciù lesto un pò a gambetta,
mentre un sciammo de dònne se gh’assia,
ma i sordatti ô salvòn de poliçia.

Dixan che criasse unn’atra dònna à Pré,
chi mangiava unna tassa de menestra,
d’aveise visto sbatte zu un papê
de teuscego, seguo, da unna fenestra,
che un gatto restà secco in sciù doî pê
dòppo che in tæra un pò ghe n’ammenestra:
ma a poliçia n’à mai posciuo trovâ
a dònna, o gatto, a tassa, né o cuggiâ.
Questa voxe per Zena a se spanteiga
che n’é pin ògni casa, ògni carroggio,
neuve giastemme o pòpolo o desteiga
mentre che arreo crescendo va o borboggio,
che o governo, de çerto, avià da breiga
tante ave à reciammâ sciammæ da-o boggio;
ma chi tegnià do pòpolo o furô,
chi fremme e brontoa de cattivo umô?