Cecco Rossi (1880-1942)

In his anthology Raccolta di poesie in dialetto onegliese, Giuseppe Castellano writes of Cecco Rossi: “Born and raised in Oneglia among the sailors and fishermen of Borgo Peri, he felt their full appeal and understood their purity and deep honesty, embodied in their love of family, work and the morality of Christ. He first gave expression to these passions as an actor in the local amateur dramatic society ‘Cuore e arte’, founded around 1900, and later immortalised them in his plays, which reach their height in U campanen di Peri.” Here we give the end of the play, which sets the deeply religious old sailor Poai Culen against his daughter’s fiancé Cichen, a free-thinker, communist and anticlerical who eventually converts.

From U campanen di Peri

For the old sailor Colin, life is impossible without faith and hope in God, which give meaning to a life of great hardship, spent away from home and family for most of the time. To him, young people’s claims that they can do without religion can only seem senseless and unjustified.

POAI CULEN:
Mi, pe dì a veritè, a nu me ne intendu,
ma mi a me demoandu: cumm’u se fa, sentendu
sta müxica, sti coanti, sta campoana da vixen au moa
sensa sentìve l’agnima, u coeve tremuroa…
Mi, sciben ch’a segge in poveru pescaù
grezzu cumm’a stüggia, e ben, ancura aù
veggiu cumm’u cüccu (e ch’a n’ò passau toante!)
ebeñe, quoande a sentu cantoa ste cose soante,
ebeñe, a u cunfessu, a cioangiu: U me coe
u tremura, u sbatte, u s’alloarga; u nu voe
ch’a me destacche de lie. E dì che e me uregge
i n’an sentiu da müxica! I pan de quelle scoegge
ch’i se ghe sente u moa. Diu, che de sunadde
ch’i t’añe za sentiu! Fischi de lebecciadde
ch’i te purtoava via, ch’i sciüscioava, i t’insurdiva;
crii de marinai, vurai lasciü daa riva,
e ciü savürru ninte.
De noette, inta fusca, ti sei lì de vedetta,
bon, ti senti a corna, u fischiu, a campanetta,
ch’a te dà l’alloarme e in ressautu au coe,
ch’intramenti u soffre, u pena; ma u nu voe
u nu pò lascioa stu moe, ch’u l’à a calamitta!
Drentu a ghe muriremu, ma scì, u l’é a noscia vitta!
Ebeñe, cum’i fañe, a diggu, certe gente
passoa lì daa gexa, passoaghe lì d’arente,
sensa entroaghe drentu, pe pioa u perdon?
Ma mie sta gexetta en cuu campanen riundu,
sciben ch’a fusse asquoaxi aa fen du mundu
a nu l’ò mai scurdaie; macché, a l’é allura
ch’a me vegniva in mente. A l’era a me demura
de vemela davoanti, lì, davoanti ai oeggi,
ch’a fuscimu in bunassa, o dunca inti scoeggi,
sempre, sempre, de longu. I dixe: nu avé fedde!
Sti zuvenotti i fan vé ch’i nu credde
credendu de foa l’ommu! Ma mi a ghe scumettu
che quoande i son lì drentu i l’an u figarettu
batellusu, oh scì scì. Povera me gexetta,
e me bellu campanen. Che desdiccia, che vendetta,
d’avé derfau i Peri! D’avene spantegau
dui livve, dui lavve, à cavve du diau!
Tant’è, a nu fa ninte a semmu sempre nui,
fii de marinai, razza de pescaui,
nasciürri à l’oaria averta, cresciürri in sciu moa,
desmanegai, descaussi, negri, brexiai daa soa,
ma forti cume scoeuggi, ma broavi cumme u pan,
gente ch’a te partimmu p’andoasene luntan,
lazzü, aa malafoera, purtenduse intu coe
sta noscia bella Ineia, sti Peri, u nosciu moe…
Ma poei pe vegnì turna, vegnìte da vixen,
a murìsene aa to umbra, me bellu campanin.