Cecco Rossi (1880-1942)

Scrive Giuseppe Castellano nella sua antologia Raccolta di poesie in dialetto onegliese a proposito di Cecco Rossi: “Nato e cresciuto a Oneglia nell’ambiente dei marinai e pescatori di Borgo Peri, ne ha sentito tutta l’attrazione, ne ha compreso la purezza, la profonda onestà, sintetizzate nell’amore per la famiglia, per il lavoro, per la morale di Cristo. Queste sue passioni le ha concretizzate, prima come attore nella filodrammatica locale “Cuore e arte”, fondata verso il 1900, per eternizzarle poi nelle sue composizioni drammatiche, che trovano il loro culmine ne U campanen di Peri,” Riportiamo qui il finale della commedia, che vede contrapposti “papà Colin”, il vecchio marinaio di profondissima fede religiosa, e il fidanzato di sua figlia, “Cichino”, libero pensatore, comunista e anticlericale, che finisce per convertirsi.

Da Il campanile dei Peri

Per il vecchio marinaio Colin, non si può vivere senza la fede e la speranza in Dio, che fornisce una giustificazione a una vita difficilissima, lontana da casa e dalla famiglia la maggior parte del tempo, e le pretese dei giovani di fare a meno della religione, possono solo essere prive di senso e di motivazioni.

POAI CULEN:
Mi, pe dì a veritè, a nu me ne intendu,
ma mi a me demoandu: cumm’u se fa, sentendu
sta müxica, sti coanti, sta campoana da vixen au moa
sensa sentìve l’agnima, u coeve tremuroa…
Mi, sciben ch’a segge in poveru pescaù
grezzu cumm’a stüggia, e ben, ancura aù
veggiu cumm’u cüccu (e ch’a n’ò passau toante!)
ebeñe, quoande a sentu cantoa ste cose soante,
ebeñe, a u cunfessu, a cioangiu: U me coe
u tremura, u sbatte, u s’alloarga; u nu voe
ch’a me destacche de lie. E dì che e me uregge
i n’an sentiu da müxica! I pan de quelle scoegge
ch’i se ghe sente u moa. Diu, che de sunadde
ch’i t’añe za sentiu! Fischi de lebecciadde
ch’i te purtoava via, ch’i sciüscioava, i t’insurdiva;
crii de marinai, vurai lasciü daa riva,
e ciü savürru ninte.
De noette, inta fusca, ti sei lì de vedetta,
bon, ti senti a corna, u fischiu, a campanetta,
ch’a te dà l’alloarme e in ressautu au coe,
ch’intramenti u soffre, u pena; ma u nu voe
u nu pò lascioa stu moe, ch’u l’à a calamitta!
Drentu a ghe muriremu, ma scì, u l’é a noscia vitta!
Ebeñe, cum’i fañe, a diggu, certe gente
passoa lì daa gexa, passoaghe lì d’arente,
sensa entroaghe drentu, pe pioa u perdon?
Ma mie sta gexetta en cuu campanen riundu,
sciben ch’a fusse asquoaxi aa fen du mundu
a nu l’ò mai scurdaie; macché, a l’é allura
ch’a me vegniva in mente. A l’era a me demura
de vemela davoanti, lì, davoanti ai oeggi,
ch’a fuscimu in bunassa, o dunca inti scoeggi,
sempre, sempre, de longu. I dixe: nu avé fedde!
Sti zuvenotti i fan vé ch’i nu credde
credendu de foa l’ommu! Ma mi a ghe scumettu
che quoande i son lì drentu i l’an u figarettu
batellusu, oh scì scì. Povera me gexetta,
e me bellu campanen. Che desdiccia, che vendetta,
d’avé derfau i Peri! D’avene spantegau
dui livve, dui lavve, à cavve du diau!
Tant’è, a nu fa ninte a semmu sempre nui,
fii de marinai, razza de pescaui,
nasciürri à l’oaria averta, cresciürri in sciu moa,
desmanegai, descaussi, negri, brexiai daa soa,
ma forti cume scoeuggi, ma broavi cumme u pan,
gente ch’a te partimmu p’andoasene luntan,
lazzü, aa malafoera, purtenduse intu coe
sta noscia bella Ineia, sti Peri, u nosciu moe…
Ma poei pe vegnì turna, vegnìte da vixen,
a murìsene aa to umbra, me bellu campanin.