Francesco Rocchino

A self-taught native of Savona, Rocchino moved to Genoa, where he established himself as a merchant. His poetry, too, was influenced by his fellow Savonese Chiabrera.

Canta o cucco

Pe-e colliñe
monferriñe
quando l’uga da-i maggeu
pâ ch’a rie,
ch’a n’ammie,
ch’a n’invite a bocca e o cheu,
se n’andiemo,
se gödiemo
sotto i fiagni, sensa nöie,
o ciaretto
do vinetto,
perché i anni no son giöie.
Passa l’oa
ne-a demoa
comme un lampo e o ghindao o gia
e o desgheugge
tutte e veugge
che o se pòrta o tempo via.
Dæme o gòtto
che un strambòtto
veuggio allegro fâghe in çimma.
Ti do çeddro,
cao mæ veddro,
t’ê ben degno e d’ògni rimma.
T’ê o göghetto,
t’ê o laghetto
carmo, e spegio di mæ euggi,
che gallezzan,
che lampezzan,
drento ti che t’ê o poæ di euggi.
Pe-e cantiñe
monferriñe
se pestezza e se pacciuga,
e se sguassa
ne-a tinassa,
fin che bogge e fumma l’uga.
Fæme röso,
donque imböso
de vin doçe questa seggia;
me â riçeivo,
tutta â beivo,
e a no n’é pöi gran mäveggia!
Paxe ò guæra,
pansa à tæra;
mi m’addòrmo comme un succo,
e che o grillo
pin d’axillo,
fasse l’eco a-o crio do cucco.