Danila Olivieri (1955)

È presidente del Salotto Letterario «Pen(n)isola San Marco» di Sestri Levante e membro di giuria del Premio Internazionale di Poesia e Narrativa Giovanni Descalzo. Ha esordito con la silloge di versi in lingua: Sole di scirocco (Montedit), vincitrice del Premio Internazionale Città di Monza 2002; sono seguite le raccolte premio edite da Montedit Voli nel profondo, (vincitrice del Premio Nazionale Francesco Moro, Pavia 2003); I giorni della merla, (vincitrice del Premio Internazionale Città di Monza 2006); Le parole del vento, (Premio Internazionale Città di Monza 2011); Il mio raccolto canto, (Premio Nazionale Città di Melegnano 2012). Nella collana dei Ciottoli, quaderni di cultura legati al territorio di Trigoso, ha pubblicato due sillogi contenenti poesie sia in genovese che in italiano: Stella cometa à Tregosa e Dritto e Reverso. Circa la sua scelta di scrivere in genovese dice: «Ho cominciato a scrivere in zeneise perché certi ricordi legati all’infanziae alle persone che ne hanno fatto parte mi piaceva esprimerli nella mia lingua del cuore e degli affetti. Fino a pochi anni fa ho parlato il dialetto in casa con mio padre che èmancato a 94 anni». Di lei ha scritto Mario Dentone: «Sono molte le composizioni in genovese della Olivieri,e tutte serbano quel piccolo mondo della vita stessa dell’autrice, e ogni angolo di mare o di bosco, casa e giardino, nella poesia si fa un po’ come la siepe leopardiana, piccola cosa che però svela l’infinito, che è dato dai ricordi senza orizzonte, dove tuffarsi con la felicità ritrovata in ogni verso, anche negli attimi tristi, di dolore e nostalgia, perché la poesia è consolazione…». E Francesco Mario Rossi: «I versi di Danila Olivieri, in lingua genovese, hanno tutta la peculiarità della vera poesia. Se li traduciamo in lingua italiana diventano qualcosa d’altro, più freddo, distaccato e senza la melodia del suono naturale… Così [in genovese] nascono assonanze, allitterazioni, rime con una musicalità che ha il sapore “di una volta”, riproducente i suoni e il profumo del mare, lo sbattere dell’onda e il soffio del vento».

A seia do lebeccio (à mæ figgio)

Ti t’arregòrdi? I lampi da stæ,
menissavan a ciappa da neutte –
äia e ægua mesuavan o fracasso
di troin e de profonditæ.
Mille e ancon mille bisce
de splendoî separavan çê e mâ
che o beuttava o sbraggio de inciòstro
in scê agogge de l’æña in boriaña.
Ammortâ pòi a sæ,
de incanto o se stava
a seia do lebeccio, à ammiâ
o miacoo do mâ.

Rexiñe de ödoî imbeviæ,
inti euggi l’argento
de scciumme fregoggiæ
co-a raggia che i maoxi
accugeivan da-e man do vento
e e nòstre die unie
inte ’n intresso de vibraçioin
inluminou da-a pupilla
da neutte schillente –
cavagno pin de emoçioin,
groppi streiti che sempre ne lighian.

Into cheu o canto de mæ moæ
quande a seia do lebeccio
in sciô mâ a spalancava i barcoin

L’urtima partensa

– Veddiò Romma – lê a m’à dito
mentre a chinava – un à un –
i scain de partensa
e menissi figgeu de luxe
ghe rieivan inti euggi
che me caezavan sensa sprescia.

Vedde Romma, pe mæ moæ
o voeiva dî riscattâ
l’etæ feliçe arröbâ –
a fabbrica tròppo zoena
o giamminâ da guæra.

Terni moderna, grixa
a s’è fæta cappolinia,
ma o splendô eterno de Romma antiga,
fòscia lê a l’à vixitou,
inta legia luxe celeste
do lento destacco do còrpo
– into fondo seunno sensa retorno –
tra o creppo e l’urtima partensa.

Lascime, tempo

Lascime, tempo – lascime te prego –
ancon pe ’n pittin,
spedio passo leggero
e graçia de gazzela sottî.

Fanni l’incanteximo
ti che t’ëi complice,
fanni lento o tò anâ – vanni ciù cianin –
oppù luxinghime de inganni.

Pòi sensa zinzannie, sensa ’n interruçion
repiggiò o cammin.
Fòscia no me fermiò à l’urtima staçion
in sce l’ordio do çê.

Perché – ti sæ – tempo,
comme a scia gianca de l’apparecchio
pertusiò o turchin
e osiò l’inmenso.

A teniessa da stansa

Ammia… oua a t’annia sfinia
a seia, co-o seunno che o scancella
a passoa con l’aa feria
in sciô scain nuo de pria,
o a scua fattua
da farfalla neigra
pösâ in sciâ tò man
che za a saveiva o naufragio.

Smarrio o vivo tempo figgeu
di penscëi che anniavan xeui
de ascosi batticheu –
tenie voxi inte stanse
e doçi ödoî de sciô d’angeo
deslenguavan e ombre do giardin.

Appeiso a-a lumea da seia
che a fava ciæe e poule
a-o canto perso de reuse,
o foise restou armeno
o scorpion, inmòbile
inta luxe da lampa,
à custodî a teniessa da stansa.