A desinensa atona -eo a realizza un son ch’o peu cangiâ, à segonda di caxi, tra [ɔw] ~ [ju] ~ [ew].

Pe de raxoin de coerensa se conscidera opportun mantegnîla, coscì comme fan tanti autoî, pe quelli termini che l’aivan in origine e che an ancon o plurale in -ei. Da angeo [ˈaŋdʒɔw] se formià donca angei [ˈaŋdʒej], da umeo [ˈymˑju] s’avià umei [ˈymˑej] ~ [ˈymˑi], etc.

Comme in italian ascì (conscideremmo pe exempio a forma aereoplano, sbaliâ), e voxe relative a-o conçetto d’«aeroplan» peuan avei un numero d’alteraçioin fonetiche. Into scrito, e inti testi de registro neutro, se conseggia donca d’addeuviâ a forma «pua» aeroplan (da pronunçiâ comme se veu inta lengua parlâ: [aeruˈplaŋ], [ɛːruˈplaŋ]…), e de conservâ forme comme arioplan, rioplan pe representâ ciù fedelmente e modalitæ da lengua parlâ, pe di testi de registro familiare, etc.

E mæxime conscideraçioin van ascì pe-e atre poule con prefisso aero-, comme aeropòrto.

Comme in italian ascì (conscideremmo pe exempio a forma aereoplano, sbaliâ), e voxe relative a-o conçetto d’«aeroplan» peuan avei un numero d’alteraçioin fonetiche. Into scrito, e inti testi de registro neutro, se conseggia donca d’addeuviâ a forma «pua» aeroplan (da pronunçiâ comme se veu inta lengua parlâ: [aeruˈplaŋ], [ɛːruˈplaŋ]…), e de conservâ forme comme arioplan, rioplan pe representâ ciù fedelmente e modalitæ da lengua parlâ, pe di testi de registro familiare, etc.

E mæxime conscideraçioin van ascì pe-e atre poule con prefisso aero-, comme aeropòrto.