Conseggio pe-o patrimònio linguistico ligure

Conseggio ligure

DEIZE

Diçionäio italian-zeneise

dipendere

v. intr.
  1. essere determinato da qcs. o qcn.

    depende [deˈpeŋde] (var. dipende)1

    tutto dipende da come reagirai

    tutto depende da comme ti reagiæ

    il successo dell’esperimento dipende dalla temperatura

    o successo de l’esperimento o depende da-a temperatua

  2. essere subordinato a qcs. o qcn.

    depende [deˈpeŋde] (var. dipende)1

    la decisione dipende dal consiglio direttivo

    a deçixon a depende da-o conseggio direttivo

    non voglio dipendere dal giudizio degli altri

    no veuggio depende da-o giudiçion di atri

Pe saveine de ciù

1. Prefisci de-, des- e re-

Comme mensunou da-o E. G. Parodi, Studj Liguri, inte «Archivio glottologico italiano», xiv, 1896, i prefisci zeneixi de-, des- e re- an perso a -e- e piggiou a -i- apreuvo à l’influensa de l’italian. L’é tante dexeñe d’anni defæti che difende, discorrî, risponde, etc. an piggiou o pòsto de defende, descorrî, responde, etc. inta lengua parlâ. E forme in -e- en à tutte e mainee ancon ben ben addeuviæ inta lengua scritta letteräia. Inte sto diçionäio, consciderou e finalitæ pe-o ciù didattiche che l’animan (che pontan ascì a-o repiggio de çerte forme ciù viaxe, se addescian l’interesse de casañe), se repòrta solo che e forme in -e-. E forme “italianizzæ” in -i- se peuan consciderâ à tutti i mòddi comme perfettamente legittime.

Coniugaçioin

depende

Indicativo

Presente

  1. mi dependo
  2. ti ti dependi
  3. lê o/a depende
  4. niatri dependemmo
  5. viatri dependei
  6. liatri dependan

Imperfetto

  1. mi dependeiva
  2. ti ti dependeivi
  3. lê o/a dependeiva
  4. niatri dependeivimo
  5. viatri dependeivi
  6. liatri dependeivan

Futuo

  1. mi dependiò
  2. ti ti dependiæ
  3. lê o/a dependià
  4. niatri dependiemo
  5. viatri dependiei
  6. liatri dependian

Conzontivo

Presente

  1. che mi depende
  2. che ti ti dependi
  3. che lê o/a depende
  4. che niatri dependemmo
  5. che viatri dependei
  6. che liatri dependan

Imperfetto

  1. che mi dependesse
  2. che ti ti dependesci
  3. che lê o/a dependesse
  4. che niatri dependescimo
  5. che viatri dependesci
  6. che liatri dependessan

Condiçionale

  1. mi dependieiva/dependiæ
  2. ti ti dependiësci
  3. lê o/a dependieiva/dependiæ
  4. niatri dependiëscimo
  5. viatri dependiësci
  6. liatri dependieivan/dependiæn

Imperativo

  1. dependi ti!
  2. dependemmo niatri!
  3. dependei viatri!

Partiçipio passou

  1. m. s. depeiso
  2. m. p. depeixi
  3. f. s. depeisa
  4. f. p. depeise

Gerundio

  1. dependendo