Mario Accornero (1921)

Accornero, a chemical engineer, was born in Savona, and since 1977 he’s lived in Sori in the Levante Ligure. He has dedicated his poetry collection I Canti do Gorfo (1988) to the Golfo Paradiso. Despite the radiant beauty and luminosity of the places in which it is set, but perhaps because of that, Accornero’s poetry is interwoven with continuous references to death, and to the continuation of life in death and death in life, so that the shining landscape of the Riviera, motionless in memory, comes to represent well the motionless eternity of the world beyond.

Maria de Leà

In Accornero’s poetry, one is struck by the metrical construction, in which individual words are like the individual notes of a musical wave.

Maria de Leà,
quande à l’arba do giorno
e da vitta,
te s’ascciaiva o çê
derê a-a colliña,
de fascia in fascia
à pê,
de ziña in ziña
ti ne vegnivi in zu
portando i fruti
i ciù belli da villa
apreuvo à quelli,
tanto ciù ambii ancon,
da zoventù.

Ancheu t’ò rivista,
strofoggio ammottou
ciù neigro e menuo,
veggiâ
sotto casa…
un gesto,
un sorriso,
un tenio saluo:
un meistro spietou
à tòrto o t’à inciso
in faccia e in scê man
de tacche böxarde,
e tanto,
a-o pòsto d’aveighene i mori,
i euggi son zimme de sô
e a bocca a te s’impe
de verde e de fiori.

E quande ti ascì ti doviæ
un giorno chinâ
da l’urtima fascia,
l’eterno candô
de tutto st’incanto,
de là,
son seguo,
che ti te ô portiæ:
ma pe oua no fâlo,
te supplico,
lascia
che pòsse gödîmela ancon
pe tanto,
e de sà,
sta teu primmaveia,
Maria de Leà.

Lampare

The tòpoi, the clichés of Genoese folklore and Ligurian poetry, even those of Firpo, become for Accornero a cause for meditation on the eternal, which is given a fable-like figuration: the crew of sailors storing up men’s dreams for the world beyond.

Un atro çê,
vivo de stelle
de primmäia grandessa,
o ne s’açende in mâ,
d’aloa che a seia,
a s’arrubatta zu
e a se fa scua:
mondi stranni
d’unna constellaçion sconosciua,
vivan de neutte
comme e nòstre speranse
che,
pontuali,
renascian a-o tramonto
da-i rebighi de l’anima
ciù ascosi,
pe moîsene à l’arba.

Ma fòrse lazù se gh’attreuva
’nna ciusma de poeti mainæ
tutti intenti à raccheugge
i nòstri seunni
int’unna ræ inargentâ
da-o ciæo de luña
e à allugâli,
pe-o mattin,
inte ’nna cantia sensa fondo
de ’n tempo sensa fin.

L’ötöio

The oratory is that of St. Erasmus in Sori, and Accornero sees in it the symbol of continuity between the world of the living and the afterlife. Apart from adjectives that are too hasty or generic (“magical…”) the poet expresses well the idea that we all constitute as a conduit between the past and the future, between those who once were and those who will come in the distant future.

Quattro miage e un campanin
tròppo basso,
tròppo sottî,
acciantæ in sciâ ròccia viva:
se gh’arriva pe unna creusa
silensiosa,
meitæ sgreuzza e arrissoâ,
meitæ in moin allivellæ,
derê a-e case scombinæ
do bòrgo antigo.

Tutt’in gio
in scî barconetti,
zu da un vaso ò unna cascetta
pendan bròcche de giranio;
pöi,
te s’arve ’nna ciassetta
solitäia
e, assettou in faccia a-o mâ,
co-i profummi de l’estæ,
ti respii,
de botto,
l’äia
misteriosa e assottiggiâ
do passou,
d’unn’atra etæ.

A-o tramonto rosso sciamma
sciòrtan magiche e fantaxime
de sti nòstri antighi fræ
e da-e prie che s’arvan lente,
comme amixi e man ne pòrzan:
fiña a voxe a se ghe sente
da lontan ch’a ne reciamma.

E aloa capimmo
che,
pe dâghe fondo,
l’urtima spiagia a saià pròpio questa,
e aloa sentimmo d’ëse
inte sto mondo,
quarcösa ’n pö
de quante o gh’é za stæto,
e quarcösa d’eterno
ch’o ghe resta.

A noveña di mòrti

A seia,
de za addormiggiâ,
a chiña ciù fito
da-o çê
co-o primmo tempusso
d’autunno
e un vello de neggia,
da-o grixo cappusso
de nuvie,
o sproiña sottî:
d’in fondo a-a navata
o lento mogogno
de’n salmo stonou,
a-a cheita o se mesccia
a-o lamento do sciöco
ch’o sciuscia arraggiou.

E drento,
accaiæ in scê banche à veggiâ
son sempre ciù pöchi,
son sempre ciù smòrti:
çercando a veitæ
davanti à l’artâ,
son ombre de vivi
che pregan
pe ombre de mòrti.