Mario Accornero (1921)

Nato a Savona, ingegnere chimico, dal 1977 visse a Sori nel Levante ligure, e dedicò al Golfo Paradiso la sua raccolta di poesie I Canti do Gorfo (1988). Nonostante la radiosa bellezza e luminosità dei luoghi in cui è ambientata, ma forse proprio per quello, la poesia di Accornero è intessuta di continui riferimenti alla morte, e alla continuazione della vita nella morte e della morte nella vita, sicché lo splendente paesaggio della Riviera, immobile nel ricordo, viene a rappresentare bene l’eternità senza movimento del mondo di là.

Maria de Leà

Nella poesia di Accornero colpisce la costruzione metrica, in cui le singole parole sono come le singole note di un’onda musicale.

Maria de Leà,
quande à l’arba do giorno
e da vitta,
te s’ascciaiva o çê
derê a-a colliña,
de fascia in fascia
à pê,
de ziña in ziña
ti ne vegnivi in zu
portando i fruti
i ciù belli da villa
apreuvo à quelli,
tanto ciù ambii ancon,
da zoventù.

Ancheu t’ò rivista,
strofoggio ammottou
ciù neigro e menuo,
veggiâ
sotto casa…
un gesto,
un sorriso,
un tenio saluo:
un meistro spietou
à tòrto o t’à inciso
in faccia e in scê man
de tacche böxarde,
e tanto,
a-o pòsto d’aveighene i mori,
i euggi son zimme de sô
e a bocca a te s’impe
de verde e de fiori.

E quande ti ascì ti doviæ
un giorno chinâ
da l’urtima fascia,
l’eterno candô
de tutto st’incanto,
de là,
son seguo,
che ti te ô portiæ:
ma pe oua no fâlo,
te supplico,
lascia
che pòsse gödîmela ancon
pe tanto,
e de sà,
sta teu primmaveia,
Maria de Leà.

Lampare

Quelli che sono i tòpoi, i luoghi comuni del folclore genovese e della poesia ligure, anche quella di Firpo, diventano per Accornero un motivo di meditazione sull’eterno, cui viene conferita una figurazione favolistica: la ciurma dei marinai che ripone i sogni degli uomini per il mondo di là.

Un atro çê,
vivo de stelle
de primmäia grandessa,
o ne s’açende in mâ,
d’aloa che a seia,
a s’arrubatta zu
e a se fa scua:
mondi stranni
d’unna constellaçion sconosciua,
vivan de neutte
comme e nòstre speranse
che,
pontuali,
renascian a-o tramonto
da-i rebighi de l’anima
ciù ascosi,
pe moîsene à l’arba.

Ma fòrse lazù se gh’attreuva
’nna ciusma de poeti mainæ
tutti intenti à raccheugge
i nòstri seunni
int’unna ræ inargentâ
da-o ciæo de luña
e à allugâli,
pe-o mattin,
inte ’nna cantia sensa fondo
de ’n tempo sensa fin.

L’ötöio

L’oratorio è quello di Sant’Erasmo a Sori, e Accornero vede in esso il simbolo della continuità tra il mondo dei vivi e l’aldilà; a parte un’aggettivazione a volte troppo frettolosa o generica («magici…») il poeta esprime bene l’idea che tutti quanti costituiamo come un tramite tra il passato e l’avvenire, tra chi è stato un tempo e chi verrà in un lontano futuro.

Quattro miage e un campanin
tròppo basso,
tròppo sottî,
acciantæ in sciâ ròccia viva:
se gh’arriva pe unna creusa
silensiosa,
meitæ sgreuzza e arrissoâ,
meitæ in moin allivellæ,
derê a-e case scombinæ
do bòrgo antigo.

Tutt’in gio
in scî barconetti,
zu da un vaso ò unna cascetta
pendan bròcche de giranio;
pöi,
te s’arve ’nna ciassetta
solitäia
e, assettou in faccia a-o mâ,
co-i profummi de l’estæ,
ti respii,
de botto,
l’äia
misteriosa e assottiggiâ
do passou,
d’unn’atra etæ.

A-o tramonto rosso sciamma
sciòrtan magiche e fantaxime
de sti nòstri antighi fræ
e da-e prie che s’arvan lente,
comme amixi e man ne pòrzan:
fiña a voxe a se ghe sente
da lontan ch’a ne reciamma.

E aloa capimmo
che,
pe dâghe fondo,
l’urtima spiagia a saiâ pròpio questa,
e aloa sentimmo d’ëse
inte sto mondo,
quarcösa ’n pö
de quante o gh’é za stæto,
e quarcösa d’eterno
ch’o ghe resta.

A noveña di mòrti

A seia,
de za addormiggiâ,
a chiña ciù fito
da-o çê
co-o primmo tempusso
d’autunno
e un vello de neggia,
da-o grixo cappusso
de nuvie,
o sproiña sottî:
d’in fondo a-a navata
o lento mogogno
de’n salmo stonou,
a-a cheita o se mesccia
a-o lamento do sciöco
ch’o sciuscia arraggiou.

E drento,
accaiæ in scê banche à veggiâ
son sempre ciù pöchi,
son sempre ciù smòrti:
çercando a veitæ
davanti à l’artâ,
son ombre de vivi
che pregan
pe ombre de mòrti.