Luigi Michele Pedevilla (1815–1877)

Sacerdote di sentimenti liberali, vicino alle idee del Gioberti; molto lontano dalle posizioni della Chiesa di quei tempi in fatto di politica, avrebbe voluto per l’Italia un regime federalista e democratico che rassomigliasse a quello Svizzero, nel quale Genova e la Liguria godessero della massima autonomia. Dal 1842 al 1870, con pause e interruzioni, don Pedevilla pubblica O Lunäio do Sciô Tocca, in cui, sull’esempio di Martino Piaggio, commenta gli avvenimenti della città in tono satirico, ma con una passione politica «progressista» che Piaggio non si sarebbe permesso. Nei primi tempi del Lunario, il Tocca condivide con gli altri liberali l’entusiasmo per la figura di Pio IX, ma con l’avvicinarsi del Pontefice a posizioni reazionarie, le speranze che la Chiesa possa essere d’aiuto alla causa risorgimentale diminuiscono. Da ricordare, nel Tocca del 1850, il poemetto E bomboe, dove il Pedevilla denunzia le violenze e i bombardamenti attuati nell’aprile del 1849 dall’esercito piemontese contro la città, quando Genova – dopo il disastro di Novara e anche per la paura d’un’invasione austriaca – si era illusa di poter nuovamente essere una repubblica ed era insorta. L’opera fondamentale e più ambiziosa del Pedevilla rimane però A Colombiade (1870), una rievocazione dell’impresa di Colombo, che nell’intenzione dell’autore avrebbe dovuto essere il poema nazionale ligure, come l’Atlantida di Verdaguer lo è per la Catalogna; sia per la poca cura linguistica, sia per la convenzionalità della vicenda, il poema è poco riuscitom tranne che in qualche descrizione piuttosto ispirata e qualche episodio secondario che funge da pretesto per le polemiche care all’autore; restano soprattutto nella memoria gli attacchi contro la monarchia savoiarda e i suoi ministri, specie il Cavour «un ministro sensale e speculatore / che vende come merce / una città d’Italia a un imperatore» (a proposito della cessione di Nizza alla Francia di Napoleone III) e la falsa libertà dello Statuto di cui si vantano.

E bomboe

Ah, comm’a l’é che unna çittæ scì bella
e scì fòrte a l’é tanto desolâ?
Pe quæ delitto o çê tanto o a fragella?
Da-i sò vexin perchè a l’é bombardâ?
Andavan donca inutilmente à tæra
i fòrti de San Zòrzo e Castelletto,
se a n’à posciuo co-e machine da guæra
schivâ con tanto o spaventoso effetto?
Oh, quante orrô ghe regna in mezo à lê,
deh, chi â consòla un pö, chi â compatisce,
chi mai fra i italien, chi fra i foestê
de cianze un pö i sò guai non arrossisce?
Aimè, che veddo invexe l’impostô
fâ de smòrfie co-o Gallo e co-o Britanno,
che d’accòrdio co-o Tèutono e fra lô
sotta Novara an machinou l’inganno!
Liguri, oh quante mai v’à compromisso
l’innato vòstro amô de Libertæ,
che in voî (sarvo i degeneri) à transmisso
o sangue e a tradiçion di vostri poæ!
Amô che n’ha posciuo mai scançellâ
mëzo secolo scorso in servitù,
e o quæ chi n’é corròtto da-o dinâ,
ò da l’orgheuggio no ô perdià mai ciù!
Ma, oh Dio , perchè mai questo torrente
de malanni l’inonda in mòddo tâ?
O sò tòrto in sostansa o l’é veamente
e tanto grave e tanto geneâ?
fòscia o pòpolo tutto aveiva tòrto
che appeña de Novara o l’ha sentio
a fatale catastrofe, o s’é accòrto
da tante preuve ciæe d’ëse tradio?
E ne-a poia e ne-a raggia sopponendo
in casa traditoî, croati a-e pòrte,
o corriva infuriou tutto invexendo,
a-i arme pe rexìstighe da fòrte;
e pe defende quella libertæ
da quæ o Statuto o dava za un assazzo;
ben che ne-i governanti e i governæ
gh’ea stæto in quella fin aloa do frazzo.
O s’armava, dixeivo, prontamente,
fòscia mâ conseggiòu, fòscia impetoso,
fòscia diretto mâ, fòscia imprudente,
no pòpolo rebelle, nì façioso!…
Che, s’ean mescci con lê di vëi rebelli,
quelli ean da çerne, quelli da punîse,
i arme ean da vortâse contra quelli,
no contra tutto un pòpolo infeliçe!…
rebelli ean fòscia i mìliti che stavan
quæxi tutti in cantiña assotterræ
co-a moggê e con i figgi che tremmoavan?
Fòscia i nòbili ch’ean mëzi scentæ?
O l’ean fòscia i maròtti de l’uspiâ,
dove ciù d’unna bomboa a se scciuppava,
ma che i infermi a n’ha vosciuo toccâ,
fòscia discreta ciù de chi â mandava?
O l’ean pù tante figge che d’un brutto
vile attentato vìttime son stæte?
Tante vìdoe redute a-i centi e a-o lutto,
tante dònne pe-a poia malandæte?
Aveivan tòrto tante case forse,
tanti palaçi guasti e sacchezzæ?
Tanti pövei restæ sensa risorse?
Tanti mòbili ricchi scavissæ?
L’aveiva o Muniçipio chi aspëtava
in mezo à l’anscietæ e à l’inaçion
se l’occaxon propiçia a capitava
de fâ unna boña capitolaçion?
L’aveiva fòscia tanti religiosi
che do scceuppo s’armavan invitæ
pe mantegnî inti giorni borrascosi
(ciù che se poeiva) l’òrdine in çittæ?
L’aveiva fòscia finarmente Cristo,
che in quelle ree giornæ a profanaçion
di mistëi adoràbili o l’à visto
da sò morte e da sò resurreçion?
O Çê, tæra, stupî!… s’é per amô
di òmmi sacrificou l’Onnipotente,
e i potenti do secolo pe lô
sacrìfican i òmmi stranamente!
Donca, gran Dio, voî che sei giusto e retto,
voî no capaçe de parçialitæ,
pe chi comanda e pe chi sta soggetto,
ecco, a causa a l’é a vòstra: giudicæ!
Giudicæ voî (se un tâ giudizio ancon
pe l’atro mondo no l’ei reservou)
chi meita do rigô, chi compascion,
chi dev’ëse punio, chi vendicou.