Luigi Stallo (XIX sec.)

Era di Sampierdarena, delegazione che gli ha dedicato un vicolo. Mazziniano e garibaldino, membro della Società Filantropica Umanitaria, nel cui ambito, nel 1854, fu tra i promotori del settore alimentari in favore di operai, basato sull’acquisto delle materie prime (patate, grano e farine, riso, olio, vino, legumi, ecc. e anche carbone), tramite un capitale raccolto tra i soci, con obbligazioni di 50 lire l’una. Era il primo passo verso le più organizzate cooperative di consumo, che avranno un grande sviluppo dieci anni dopo. Stallo era a favore di una democrazia popolare basata sul voto universale, diritti dei più poveri, educazione e cultura, progresso sociale degli operai. Accusato di sedizione, per un tentativo di insurrezione all’epoca della partenza di Carlo Pisacane, e catturato dalla polizia il 29 giugno 1859, riuscì a fuggire, ma processato in sua assenza (con Mazzini e Antonio Mosto) e condannato a dieci anni di prigione. Fu tra i carabinieri genovesi e partecipò di persona e volontario alle guerre garibaldine. Nel 1868 lo troviamo fondatore e primo presidente della «Società M.S. dei Volontari Italiani di San Pier d’Arena» e della «Ass.ne Reduci delle patrie battaglie». Non fu eletto l’anno successivo, perché il 7 luglio 1869 lo troviamo detenuto nelle cittadella di Alessandria, e nel 1870 a Gaeta. Uscito dal carcere, dopo la spedizione francese criticò con forza Garibaldi, pubblicando un volume in Francia, a Chambery, nel 1871: Verità e calunnia in faccia al generale Giuseppe Garibaldi. Reminiscenza di un volontario italiano in Francia e in seguito a ciò fu allontanato dalle associazioni e emarginato. Di Stallo si conosce anche un poemetto in italiano intitolato: L’orfanella di un volontario italiano morto a Mentana il 3 novembre 1867 (Genova, Tipografica Economica, 1877).

A vixon d’un emigrou italian

Questa Vixon, che si innesta nella moda ottocentesca dei Lunari, contiene anche, dopo il testo poetico, un lunarietto per il 1853 e, addirittura, aggiunti a mano, le tariffe delle corriere tra diverse località del Regno di Sardegna. Il linguaggio usato dallo Stallo, con tutte le sue concessioni all’italiano, al genovese della borghesia, fa pensare al Pedevilla, ma qui le critiche alla Chiesa cattolica e ai regnanti sono durissime e fanno capire completamente la radice mazziniana e massonica del suo autore, con la sua fede in una divinità che prende a cuore la causa dei patrioti italiani, e lotta dalla stessa parte del popolo, come nelle strofe dell’Inno di Mameli. Per la sua scrittura elaborata, i riferimenti eruditi (tra i suoi modelli addirittura Dante, o il Petrarca de I Trionfi), la cura formale, il poemetto non era di certo destinato al popolo, ma serviva ad attrarre verso i mazziniani quella borghesia illuminata e fornita di una certa istruzione, che fosse in condizione di apprezzarlo e condividerne gli ideali. L’emigrato del titolo è, ovviamente, un esiliato repubblicano che, con l’espediente piuttosto abusato della visione, nel giro di ottantuno sestine metricamente perfette, rivede il passato e profetizza gli avvenimenti futuri, fino ad immaginare gli Stati Uniti d’Europa, e addirittura quelli del Mondo, retti a repubblica democratica; un’altra dimostrazione di come, a quei tempi, la lingua genovese poteva essere utile per trattare argomenti elevati e a diffondere propaganda d’ogni genere, per la sua capacità di arrivare facilmente a tutti.

Strenna per l’anno 1853 ch’a se vendià à benefiçio de l’emigraçion italiaña rescidente in Zena – Zena Stampaia Dagnin – 1853

I

Quæxi stanco de vive e scoraggio
de poei ciù à longo sopportâ e mæ peñe
da tanti affanni e privaçioin patio
pensando a-a Patria sempre ciù in cadeñe,
emigrou sensa avei chi me confòrte
me compiaxeivo con l’idea da mòrte.

II

Coscì pensamentoso e vagabondo
sciù pe unna stradda solitaria e scua
m’inoltravo, e arrivou de quella in fondo
me s’arviva in presensa unna cianua
çircondâ da di monti e da foreste
leughi adattæ per e mæ idee funeste.

III

L’ea inta l’oa do tramonto quando o sô
con l’urtima sò luxe e ciù ate ponte
de montagne o l’indöa e che in splendô
se vedde tutto açeiso l’orizzonte
che mi, mentre imbruniva dappertutto,
giava pe-i bòschi solitario e mutto.

IV

Finalmente int’un scito cavernoso,
orrido e alpestre, sotto unna gran ròcca,
m’inoltro e dentro un antro spaventoso
me fermo sorve un strato d’erbacòcca,
dove m’assetto derelitto e frusto
non solo da-o cammin ma da-o desgusto.

V

E imprecando d’Italia a-i rei tiranni
sempre ciù me sentivo risoluto
de dâ fin a-i mæ giorni e a-i mæ malanni
con dâme a mòrte, e stranamente futo
dando pe-a Patria un ultimo sospio
primma de moî me rivolzeivo à Dio:

VI

Oh, eterno Poæ, esclamavo, se l’é veo
che s’agge da soffrî pe-a vitta eterna,
ò sofferto abbastansa, e tutte arreo,
e infami opprescioin de chi governa
i Popoli d’Italia, ò sopportou
sensa ësime un pesso sgomentou.

VII

Ma a misëia, l’exilio, i patimenti
m’an riduto à l’estrema despeaçion,
no poendo ciù resciste à sti tormenti
son çerto d’ottegnî o vòstro perdon,
se a vitta che m’ei dæto per soffrî
me levo per levâme da patî.

VIII

E quæ colpa l’é stæto in mi punia
se non quella d’avei pe-a Libertæ
combattuo dexidiando Italia unia,
de vedde infin sparî tutte e armæ
di sò nemixi barbari e foestê
da questa tæra favoria da-o çê?

IX

Mi non ò colpe e sento a mæ consciensa
d’ògni delitto e de rimòrsci pua,
né mai contaminavo l’iñnoçensa,
né a-e ricchesse ò mai l’anima vendua,
né ò mai çercou de rovinâ i mæ fræ
tentou da l’egoismo ò da-i dinæ.

X

N’ò mai tradio nisciun, né a santa paxe
de famigge ò di sposi ò disturbou,
à l’onestæ e a-a virtù ò çercou de piaxe,
né me son mai da quelle allontanou;
o mæ pan co-o despiou me son spartio
e ò diviso o sospio co-o sò sospio.

XI

Di scellerati non ò mai temmuo
né a perfidia ò l’infame maldicensa
e con fronte ata e l’animo seguo
de dispressâli ò sempre avuo a paçiensa
e gh’ò rispòsto dignitosamente
comme fa un accusou ch’o l’é iñnoçente.

XII

Ò ammou l’Italia quanto ammâ se peu
cösa ch’a segge inmensamente caa,
ma o fù delitto pe-o paterno cheu
de chi ne rende l’existensa amaa,
de chi sta in tròno e impera sorve noî
co-a violensa, co-a fòrsa, co-o stafî.

XIII

Ò aspëtou invano i furmini do çê
pe vedde colpî l’empio e l’oppressô,
vendicâ l’iñnoçensa e sotto a-i pê
de l’òmmo giusto l’òmmo malfattô
e vedde finalmente in tròno missa
a saviessa e a virtù stabile e fissa.

XIV

Mentre coscì parlavo a-o Paddre Eterno
un improvviso terremòtto sento
se sconquascia a caverna ne l’interno
c’un fracasso ch’o m’impe de spavento,
chi me fa credde de restâ sciaccou
sotto de quelle ròcche e sotterrou.

XV

Da quello fô tremendo sbalordio
privo de sensi cazzo comme mòrto,
ne sò quanto scie stæto stramortio,
sò solo che, sens’ësimene accòrto,
quando son rinvegnuo ne-o tempo stesso
un strano cangiamento o l’ea successo.

XVI

Non ciù sotto unna gròtta me trovavo,
ma trasportou int’unna campagna amena
da dove stupefæto contemplavo
unna variante e deliçiosa scena
de proei de bòschi in scimmetria divisi
comme se foïse stæto a-i Campi Elisi.

XVII

Un bell’angeo chinou da-o Paradiso
me stava lì dappresso à confortâme
c’un sò divino e angelico sorriso
chi m’indicava de non disperâme,
pöi gentilmente o me porzeiva a man
e o me guiddava in sce un inmenso cian.

XVIII

Lì o me fermava e con severo accento
e seguenti paròlle o me dixeiva:
«À sentio con sorpreisa o tò lamento
chi condannâlo giustamente poeiva
perchè do caxo che ti ciammi acerbo
ti ne dovriësci invece andâ superbo;

XIX

Pròde figgio d’Italia, l’avvilîse
o disperâse per l’avversa sòrte
di sacrifiçi fæti o l’é un pentîse,
o l’é un scordâse de tanti atri a mòrte,
de tanti atri da-i re sacrificæ
chi in guæra, chi in prexon, chi foxillæ.

XX

Donque, coraggio e indòmita constansa
ne-o soffrî sempre nobilmente feo,
aggi fede segua, ferma speransa,
ne l’attuaçion de quell’eterno veo,
cioè: a Libertæ che un giorno a governiâ
i Pòpoli, e ne-o mondo a s’incarniâ.

XXI

Intanto quello che oua ti veddiæ
per voentæ arcana de l’Onnipotente
pe contâlo e ripetilo a-i tò fræ
che sòffran in exilio, tëgni à mente:
coscì dixendo i euggi o me toccava,
e unn’atra vòtta tutto se cangiava.

XXII

Me paiva d’ëse introu int’un Camposanto
grande, spaçioso, à l’ombra di çipressi:
sentivo un melodioso e mesto canto
chi sciortiva da-e tombe di òmmi oppressi,
mòrti pe-a Patria e martiri gloriosi
che saan per tutti i secoli famosi.

XXIII

Ecco quanto do canto me regòrdo:
«Oh voî, dixeivan, zoveni viventi
che superstiti sei, quest’arregòrdo
no ve scordæ pe rendive redenti
che per vinçe e atterrâ i vòstri tiranni
beseugna primma prevegnî i seu inganni.

XXIV

Pöi fâ a rivoluçion grande e completa,
sensa lasciâse inludde da meschiñe
concessioin di sovrani, e à quella meta
d’indipendensa vea che s’incammiñe
tutte e vòstre fadighe pe-a Naçion
UÑA E SOLA, ecco a vea rivoluçion.

XXV

Noî emmo travaggiou primma de voî,
ma in tempi ciù ardui e ciù pericolosi
v’emmo averto o cammin primma de moî
e in faccia di tiranni ardimentosi
semmo mòrti lasciandove ne-a stöia
UN MARTIRIO, UNN’IDEA, aggiæne in memöia.

XXVI

Da quello canto me sentivo scòsso
e inebriou da un divin presentimento,
ne-o profondo de l’anima commòsso
da quello mesto e flebile concento,
quando improvvisamento veddo arvîse
e sacre tombe e i mòrti descrovîse.

XXVII

Stavan sciù tutti incoronæ d’öfeuggio
fasciæ int’un lençeu gianco, co’un parmê
ne-a man drita, da l’atra avendo un feuggio
dove gh’ea scrito: GLORIA ETERNA IN ÇÊ.
Mi rispettoso aloa me inzenoggiavo
e quell’ombre diviñe contemplavo.

[…]

Il patriota vede le anime di tutti i martiri del libero pensiero, a partire dai soliti Giordano Bruno e Galileo, ma vi unisce anche Dante, in quanto considerato un avversario della Chiesa e del Papato, e inoltre Savonarola, Cola da Rienzo, Masaniello, e altri, tutti ritenuti martiri della futura libertà, e poi, come è logico, tutti i carbonari implicati nelle varie insurrezioni e fucilati. A questa visione ne segue un’altra, quella dei tiranni antichi e moderni, che complottano per eliminare il liberalismo, e sono comandati da uomini di chiesa, come il padre Gusman l’inquisitore, che è a favore di una dura repressione, mentre il padre Rhotaan parla in favore di riforme per ingannare meglio i liberali, diffondendo la discordia e le divisioni nel campo avversario. Svanita anche questa visione, il patriota vede avanzare gli uomini armati delle compagnie, che rappresentano i popoli della terra, ognuna con una bandiera contrassegnata da un segno simbolico. Di fronte alla bandiera che profetizza gli Stati Uniti d’Europa, in tutti sparisce «ogni passione per la terra sua natia» che sarà sostituita dall’amore universale per l’umanità. E qui viene da domandarsi perché bisognerebbe essere patrioti, se è già destino che il patriottismo si sciolga in un più generico e sbiadito amore per gli Stati Uniti d’Europa, o verso dei più lontani ancora Stati Uniti del Mondo. I due personaggi nominati verso la fine, Luigi e Giuseppe, che suscitano tante speranze di rinnovamento millenaristico nell’autore, pare siano Garibaldi e Luigi Napoleone, che da lì a poco diventerà imperatore dei francesi, secondo una procedura non molto democratica, tradendo le aspettative dei patrioti di qua e di là dalle Alpi; ma si sa che non tutte le «visioni» ci azzeccano.

LXXVIII

Fra e tante ch’ea passou e che passava
uña a ghe n’ea ciù grande che gh’ea scrito
A-I STATI UNII D’EURÖPA e a s’acclamava
da tutto o stuolo in numero infinito,
ògni pascion pe-a tæra sò natia
à quella vista in tutti a l’ea sparia.

LXXIX

Portâ da doî grend’òmmi e sostegnua,
i quæ benché viventi an unna fama
za a-i presenti e pòsteri segua,
ne temman ciù chi sempre ne î diffama
pe invidia, pe interesse ò pe capriçio,
do mondo intrego avendo za o giudiçio.

LXXX

Luigi un, l’atro Giuseppe l’é ciammou,
speransa de doe seu son tutti doî,
seu sventuræ che tanto an sopportou
pe levâse e e rexiste a-i oppressoî
che ê tëgnan comme scciave incadenæ
da lô speran salvessa e libertæ.

LXXXI

Mentre coscì incantou, da tutte in fondo
me contemplava unna bandea lontaña
ne-a quæ gh’ea scrito STATI UNII DO MONDO…
un ventixeu sciusciou da tramontaña
o me colpiva a faccia e o m’addesciava
e ne-a realtæ presente me trovava.