Conseggio pe-o A föa do Bestento
Do 1933, G. B. Costa e P. Lombardo pubrican pe-i tipi de «A Tarasca» (assoçiaçion de amatoî da poexia e de l’arte tipografica, da quæ o fava parte ascì o E. Firpo), A Föa do Bestento, unna cheuggeita de poexie curte, tegnue insemme da-o leitmotiv do titolo: o Bestento, chì personificou, ch’o l’é o nomme de unna fäsa fôa, pe treppâ co-i figgeu, quande prescistan guæi à ciammâte unna föa, e tegnîli occupæ scin che no se stuffan; inte ste poexie o Bestento o rappresenta o destin, o caxo imprevedibile ch’o governa a vitta e l’attesto ascì pe trattezzâ unna fia de personaggi locali e scituaçioin de vòtte tragiche, de vòtte còmiche, ò donca pe disegnâ imagine de un sottî liriximo e de un realistico pessimiximo. A scilloge a se segnala ascì pe un deuvio do zeneise tòsto perfetto, bizaro inta reisa primmo neuveçentesca da lengua parlâ.
Creusetta ascosa
Tra doe miage, queta, ascosa
sott’a o verde e a-i rampicanti,
t’ê o recoveo di galanti
creusettiña mäveggiosa
ma… t’ê anche a perdiçion
che l’amô te ô pagan cao;
dòppo o doçe ven l’amao,
dòppo a streita l’abbandon,
dòppo o baxo o tradimento…
te l’insegna anche o Bestento.
Traduçion italiaña
Viottolo nascosto Tra due muri, quieta, nascosta
sotto il verde e ai rampicanti,
sei il rifugio dei fidanzati
stradicciola meravigliosa
ma… sei anche la perdizione
perché l’amore te lo pagano caro;
dopo il dolce viene l’amaro,
dopo la stretta l’abbandono,
dopo il bacio il tradimento…
te l’insegna anche il Bestento.
S. O. S.
Finalmente liberâ
da unna vitta borrascosa,
a Rosetta anche a se sposa
co’un boicòtto, lô de mâ,
e de ciæti se desgroppa
un borboggio in sce sta figgia…
– Co-e proæ ch’a l’à inta chiggia,
se no giava o vento in poppa
chi â portava à sarvamento?
Za, a l’é a föa do Bestento.
Traduçion italiaña
S. O. S. Finalmente liberata
da una vita burrascosa,
la Rosetta oggi si sposa
con un vecchietto, lupo di mare,
e di pettegolezzi si snocciola
un borbottio su questa ragazza…
– Con i colpi di prora che si ritrova in chiglia,
se non girava il vento in poppa
chi la portava a salvamento?
Già, è la fiaba del Bestento.
Spaximo
Famme cianze, famme rie,
famme rie che ti me piaxi,
bocca bella, nio de baxi,
euggi neigri comme moie…
Ti te ciammi Perdiçion,
ma t’ê bella e ti m’incanti,
comme a fa co-i naveganti
a Sirena da canson.
Cöse impòrta se o Bestento
o me sbraggia: – Tradimento!
Traduçion italiaña
Spasimo Fammi piangere, fammi ridere,
fammi ridere che mi piaci,
bocca bella, nido di baci,
occhi neri come more…
Ti chiami Perdizione,
ma sei bella e mi incanti,
come fa con i naviganti
la Sirena della canzone.
Che importa se il Bestento
mi grida: – Tradimento!
Chiña
’Nna voxetta delicâ
ch’a ve cante a niña naña,
unna cösa ch’a dindaña,
un pessin ch’o â fa mesciâ,
unna testa rissoliña
ch’a se scialla in sce l’oegê,
un pâ d’euggi cô do çê…
Tutto o mondo inte unna chiña.
Tutta a vitta lì serrâ
e o Bestento o sta à gueitâ.
Traduçion italiaña
Culla Una vocina delicata
che vi canti la ninna nanna.
una cosa che dondola,
un piedino che la fa muovere,
una testa ricciolina
che se la gode sul cuscino,
un paio d’occhi color cielo…
Tutto il mondo in una culla.
Tutta la vita lì chiusa
e il Bestento sta a guardare.
Misëie
Miævei lì… pövei figgeu…
sensa scarpe… sbrindellæ…
euggi stanchi, facce tiæ
ve fan pròprio strenze o cheu!
– E seu poæ? – Sponzia da vin,
o l’é sempre inte l’ostaia
ò ch’o beive ò ch’o baccaia.
– E seu moæ? – A l’é à San Martin…
Che vittassa de tormento!
Za, a l’è a föa do Bestento.
Traduçion italiaña
Miserie Guardateveli lì… poveri bambini…
senza scarpe… sbrindellati…
occhi stanchi, facce tirate
vi fanno proprio stringere il cuore!
– E suo padre? – Spugna da vino,
è sempre all’osteria
o che beve o che fa chiasso.
– E sua mamma? – E’ a San Martino.
Che vitaccia di tormento!
Già, è la fiaba del Bestento.
Contemplaçion
Bello mâ! Comme unna ciappa
calmo e queto, me ghe spegio,
me pâ d’ëse meno vegio
no me screuvo ciù unna rappa.
Gh’é lazù, lontan, ’nna veia
ch’a parpella à l’orizzonte,
chì me treuvo co-e moen zonte
e o perché no ô sò… l’é seia:
prego, cianzo e son contento…
Ma o motivo? O ô sa o Bestento!
Traduçion italiaña
Contemplazione Bel mare! Come una lastra
calmo e quieto, mi ci specchio,
mi pare d’essere meno vecchio
non mi scopro più una ruga.
C’è laggiù, lontano, una vela
che palpita all’orizzonte,
qui mi trovo con le mani giunte
e il perché non lo so… è sera:
prego, piango e sono contento…
Ma il motivo? Lo sa il Bestento!