Conseggio pe-o Antonio Rebaudo (Tunin de Batitun, 1917-2008)
O l’ea de Pigna e o s’è dedicou de longo a-a rievocaçion do mondo omai scentou de l’introtæra intemelio; stante che o l’ea nasciuo pròpio intanto che seu poæ o l’ea à scombatte inta guæra do chinze-dixeutto, dond’o l’aiva dapeu attrovou a mòrte in sce l’Ortigara, se peu dî che a seu vitta e a seu poexia son stæte segnæ da sto tragico avvegnimento. Do Rebaudo arregordemmo ascì a produçion tiatrale, mascime a comedia St’anu che ven (1972).
Mei pà
Mi e nu l’ai cunisciiu,
mi e nu m’à abrassau
candu in dì u l’é partiu:
mi e nu era ancor nau.
U se n’é andau ciagnendu
cun u cor desperau,
u se n’è andau sufrendu:
mi e nu era ancor nau.
U savia ch’u l’andava,
ma u nu seria turnau,
a Morte a l’aspeitava:
mi e nu era ancor nau.
Lascì, in sê muntagne,
a Morte a u s’à pigliau,
e nu l’ai pusciu ciagne:
mi e nu era ancor nau.
S’u m’à pensau spirendu,
u se ne serà andau
ancor cì malcuntentu:
mi e nu era ancor nau.
In corpu sensa nume,
autru u nu gh’é restau…
e nu sai mancu cume:
mi e nu era ancor nau.
Mi e nu l’ai cunisciiu,
ma e nu m’ai cì scurdau,
anche s’u l’è partiu
prima che fusse nau.
Traduçion italiaña
Mio padre Io non l’ho conosciuto
non mi ha abbracciato
quando un giorno è partito
io non ero ancora nato,
Se n’è andato piangendo
con il cuore disperato,
se n’è andato soffrendo
io non ero ancora nato,
Sapeva che sarebbe andato
e non sarebbe tornato
la Morte lo aspettava
io non ero ancora nato.
Lassù, sulle montagne,
la Morte se l’è preso,
io non ho potuto piangerlo:
non ero ancora nato.
Se mi ha pensato spirando,
se ne sarà andato
ancor più malcontento;
io non ero ancora nato.
Un corpo senza nome
altro non è rimasto…
e non so nemmeno come:
io non ero ancora nato.
Io non l’ho conosciuto,
ma non l’ho mai dimenticato,
anche se è partito
prima che fossi nato.
L’arburu d’uriva
Cu’e rame storte, turmentae dau ventu,
cu’a caussa enorme, tüta gobe e nita,
ma sempre giuve cu’e feglie d’argentu,
u l’à ancor tanta forsa e tanta vita.
Da cantu tempu u sia lì e nu nu sai;
de che’ che l’à ciantau cì ren esiste:
u l’é spariu intu mundo di scurdai
a pensarghe e deventu un pocu triste.
E da alura cante povere gente
i se sun ascasciae lì suttu de sue rame…
e d’invernu, cu’u freidu, i era ben cuntente
cun e urive purer levarse a fame.
Me bisnonu, a stà a sente loch’i dixe,
da vegliu, cande e forse i ghe mancava,
u s’andava à assettar se sue raixe
e cu’u rusariu in man u ghe pregava.
S’arburu autu u l’era u sei autar,
l’autar di sei regordi e di sei stenti;
s’arburu che u u via adessu cunsümar,
u l’avia vistu cresce e mete i denti.
Me bisnonu, un dì, u l’é partiu,
candu me paire già u se n’era andau;
me pairegrandu pei u l’à seghiu
e l’arburu d’uriva u m’é restau.
E partirai mi ascì per u gran viagiu…
l’arburu u resterà, chi sa per cantu…
Sciuriu u serà ancor candu ven magiu,
se i mei ghe vegniran de tantu in tantu.
Traduçion italiaña
L’albero d’olivo Con i rami storti, tormentati dal vento,
con il tronco enorme, tutto gobbe e bernoccoli,
ma sempre giovane con le foglie d’argento,
ha ancora tanta forza e tanta vita.
Da quanto tempo sia lì non so;
di colui che lo piantò più nulla esiste:
è sparito nel mondo dei dimenticati
a pensarci mi rattristo un poco.
E da allora quanta povera gente
si abbandonava sotto i suoi rami…
e d’inverno, con il freddo, era ben contenta
potersi togliere la fame con le olive.
Il mio bisnonno, a badare a ciò che dicono,
da vecchio quando le forze gli mancavano,
andava a sedersi sulle sue radici
e con il rosario in mano vi pregava.
Quest’albero alto era il suo altare,
l’altare dei suoi ricordi e dei suoi stenti;
quest’albero che lo vedeva adesso consumare,
lo aveva visto crescere e mettere i denti.
Mio bisnonno, un dì, è partito,
quando mio padre già se n’era andato;
mio nonno poi lo ha seguito
e l’albero d’olivo mi è rimasto.
E partirò anch’io per il gran viaggio…
l’albero resterà, chissà per quanto…
Fiorito sarà ancora quando viene maggio,
se i miei ci verranno di tanto in tanto.