Conseggio pe-o Poulo Agostin Orengo (sec. XVII)
O primmo scrittô intemelio do quæ s’agge notiçia o l’é un Gieumo Lantê, che, verso o 1600, o l’à scrito unna accheuggeita de sunetti e de epigrammi in ventemiglioso, purtròppo anæta perdua, coscì comme a l’é perdua a Musa Ventimigliese do Poulo Agostin Orengo, do 1650; peò do Orengo ne gh’é arrestou trei sunetti, stæti reportæ da-o paddre Angelico Apreuxo inte La Grillaia, donde o tratta di lenguaggi d’Italia (ma i sunetti ventemigliosi son stæti levæ da l’ediçion à stampa). O Orengo o l’aiva mandou i sunetti da Romma à Luxerna a-o seu conçittadin Domenego Antögno Còtta Scismondi, Nonçio Apostòlico a-i Cantoin Catòlichi in Svissea. Pe-i refeimenti à persoñe e avvegnimenti locali de quelli tempi, i sunetti arrestan de diffiçile comprenscion, ma ean de grammo accapî sciña pe-o Apreuxo, ch’o î paragoña a-e poexie do Burchiello. Tutte e mainee, i testi do Orengo an un valô de testemoniansa; da osservâ che a grafia a l’é pægia à quella do zeneise di seu tempi, co-a «o» prononçiâ «u» e tutte e atre particolaritæ che conoscemmo, ma co-a zonta da «y» pe indicâ a «i» semivocale.
Non so perché ve tegni tanto bon
perché scrissero sei, pesso de Soyra;
che mi, che son spagnolo, non ho poyra
chiù che ro gato e un can d’un maccaron.
Magnifico, no ve perdoneron,
se ghe vegnisse ben Batè Mormoyra,
o Batè Soya, ch’è coxì pelloyra,
o Perdinzari, ch’è coxì poutron.
Ben ve ringratio assai dre vostre noeve,
xiben, ch’a fo una certa mercantia,
che m’era ben chiù cara un pescio d’oeve.
Scrivei de chelle lì de Sgrisseria,
per contare a ri amixi cando chioeve,
che coxì fuxerei ra poutronia.
Traduçion italiaña
Non so perché vi date tante arie
perché siete svizzero, brutto sporcaccione,
ché io, che sono spagnolo, non ho paura
più di quanto il gatto o il cane temano un maccherone.
Magnifico, non vi perdonerò
anche se venisse Battista Mormora
o Battista Sozzo, che è così farabutto,
o Perdinci, che è così fannullone.
Vi ringrazio molto delle vostre notizie
benché fossero una certa mercanzia
che avrei preferito una frittata.
Scrivetemi di quanto accade in Svizzera,
da raccontare agli amici quando piove
ché così eviterete la poltroneria.
Gardé se l’é da rrì, corpo dra doglia,
de l’arroganza de chesti marrai,
che se Franza gh’assussa ri soei cai
y no seran seguri manco in Poglia.
Y ghe stan pe ro fì senza l’agoglia,
e y bravan e y son tanto acoventai,
come se y no dovessan inscì mai
d’Italia, e no menà presto ra groglia.
Vegne ro mà dra biscia a chi ghe cré,
s’o fosse ben chello pesso de soyra
chi sta in Luxerna, e ro digo da vé.
L’on faito solo per meteve poyra:
perdoneme ve prego in bona fè,
per Fifò, per Tozaina e per Mormoyra.
Traduçion italiaña
Guardate se è da ridere, corpo di un boccale,
dell’arroganza di questi marrani,
che se la Francia gli aizza i suoi cani
non saranno sicuri nemmeno in Puglia.
Ci stanno per un filo, senza l’ago,
e si vantano, e sono talmente privilegiati,
come se non dovessero uscire mai
d’Italia, e non portare via presto la pellaccia.
Venga il male della biscia a chi ci crede,
anche se fosse quel pezzo di sudicione
che vive a Lucerna, e lo dico davvero.
L’ho fatto solo per farvi paura:
perdonatemi, vi prego in buona fede,
per Fifò, per Tosana, e per Mormora.