Conseggio pe-o A scoverta de l’America
Unn’intrapreisa ch’a l’à cangiou o destin do mondo comme a descoerta de l’America da parte do ligure Cristòffa Colombo a no poeiva mancâ, tra i argomenti tòpichi da poexia zeneise; ma pe dî a veitæ a primma euvia de un çerto spessô ch’a n’agge trattou a l’é stæta a Colombiade (1870) do Luiggi Pedevilla; dapeu, atri autoî do Neuveçento an affrontou a mateia, comme Ernestiña Carbon Lascar, Giulio Gatti, Aldo Aquaron e Doardo Firpo. Ma se o Pedevilla co-o seu longo poemma o l’aiva di intenti seri e a-a dreitua politichi e de divorgaçion filosòfica e scientifica, comme çelebrâ o genio ligure, e fiña de propagandâ ideali de independensa da Liguria, e donca a seu a l’ea tutt’atro che unn’opeaçion dialettale, i atri poeti no son anæti ciù in là de unna narraçion umoristica, à imitaçion de atri scrittoî dialettali italien. E se pe-o Pedevilla o modello o l’ea a contemporania Atlántida do Verdaguer, ch’a dà o comenso a-a Renaixença da lengua catalaña. pe-i autoî do Neuveçento ligure l’exempio o l’é o romanesco Pascarella, ch’o fa contâ l’impreisa de Colombo da un popolan, coscì tanto pe fâse un pittin de rie.
A Colombiade de Luiggi Pedevilla
Con tutti i seu mendi, a Colombiade do Pedevilla a l’é unna tentativa de poemma naçionale, scrita co-o scòpo de çelebrâ a grandixe de Zena, tramite a rievocaçion de l’intrapreisa do ciù avvoxou di seu figgi. Despiaxe che i meiti letteräi de l’euvia seggian mai tanto modesti e no vaggan ciù in là de un onesto e diligente racconto in versci. O Pedevilla, d’atra parte, o çerca à mettighe drento digrescioin de tutte e meñe, conscideaçioin politiche e filosòfiche che peò arrestan e ciù tante vòtte ciatte e un pittin pedantesche, sensa contâ o deuvio de un zeneise ciuffito italianizzou. Chì coscì veddemmo comme l’autô o contrapoñe a sccettessa di nativi americhen in Haiti a-i costummi avviçiæ di europei; conçeçion ch’a l’é influensâ con evidensa da-e teorie inlumministiche à uso Rousseau.
Né veddeivi là gente andâ in giandon
con vestî decrettou da-o figurin,
da unna parte adattou per ambiçion,
da unna parte per animo meschin,
da tutti pe unna mutua soggeçion
generale fra tutti i çittadin,
e da unna scciavitù creâ da fittiçi
beseugni e da volgari pregiudiçi.
Ma trovavi conformi à unna çittæ
d’ògni ornamento nua non naturale,
çittadin d’ògni sesso e d’ògni etæ
nui tutti tutt’affæto, tale quale
ean stæti missi a-o mondo da seu moæ;
stato à lô non incòmodo ò anormale;
perché da maiçia no guastæ, ò avvilii
da-a vergheugna ò da-o freido arrensenii.
No, pe ëse affæto nua, rossô e inquietudine
(che nisciun ô sospette, ò ô se l’imagine)
non ea in quella feliçe moltitudine
ò pe unna maliçiosa sfacciataggine,
ò pe unn’infame e pescima abitudine,
ò pe unn’animalesca balordaggine;
ma pe unn’ingenuitæ, da quæ l’idea
no sa formâse a çiviltæ europea.
A quæ in scimile stato a no rileva,
che òmmi barbari, discoli, ò dementi,
eccettuou quanto o spirito â solleva
a-i tempi e a-i usi semplici e innocenti
do biblico giardin d’Adammo e d’Eva,
ò a se ricrea ne-e scene seducenti
e favolose da mitologia
ò ne-i idilli ameni da poexia.
Traduçion italiaña
Non vedevate da quelle parti persone andare attorno
con abiti decretati dalla moda,
da una parte adattato per ambizione
da una parte per animo meschino,
da tutti per una mutua soggezione
generale fra tutti i cittadini
e da una schiavitù creata da fittizi
bisogni e da volgari pregiudizi.
Ma trovavate conformi a una città
nuda di ogni ornamento non naturale,
cittadini d’ogni sesso e d’ogni età
tutti completamente nudi, tale quale
erano stati messi al mondo da sua madre;
condizione per loro non scomoda o anormale;
poiché non guastati da malizia, o avviliti
dalla vergogna o rattrappiti dal freddo.
No, pur essendo completamente nuda, rossore e inquietudine
(che nessuno lo sospetti,o se l’immagini) non era in quella felice moltitudine
o per una maliziosa sfacciataggine,
o per un’infame e pessima abitudine,
o per animalesca balordaggine;
ma per un’ingenuità, della quale
la civiltà europea non sa formarsi un’idea.
La quale in simile condizione non rileva
che uomini barbari, discoli e dementi,
tranne quanto lo spirito la solleva
ai tempi e agli usi semplici e innocenti
del biblico giardino di Adamo ed Eva,
o si ricrea nelle scene seducenti
e favolose della mitologia
o negli idilli ameni della poesia.
Giulio Gatti
A-o contraio, o Giulio Gatti, inta seu A scoverta de l’America (Ferrando, 1914) o træta l’argomento meno filosoficamente, ma in veitæ con ciù realiximo:
– Tornando a-e dònne, ean brutte pe in davei!
E i òmmi (à quello che se sente dî)
ghe poeivan zugâ insemme à ciammatrei…
e tutti quanti pòi sensa vestî.
Dònne vege e figgeue de primmo pei
paiva che n’æsan ninte da crovî!…
E i òmmi, pe no fâse compatî,
no n’aveivan beseugno de cuxoei!
Però, ti veddi, Dria?… l’é pròpio vea
che çerte cöse piaxan dappertutto…
perché i òmmi î veddeivan ben voentea!
Ciù tòsto che, co-i gianchi desbarcæ,
an dæto da capî che, doppotutto,
anche à lô ghe piaxeiva a novitæ.
Traduçion italiaña
Tornando alle donne, erano davvero brutte!
E gli uomini (da quanto si sente dire)
ci potevano giocare a chiamatré
e tutti quanti poi senza vestiti.
Donne vecchie e ragazze di primo pelo
sembrava non avessero niente da coprire!
E gli uomini per non farsi compatire,
non avevano bisogno di sarti!
Però, vedi, Andrea?… è proprio vero
che certe cose piacciono dappertutto…
perché gli uomini li vedevano molto volentieri!
Piuttosto che, con i bianchi sbarcati,
hanno fatto capire che, dopotutto,
anche a loro piaceva la novità.
Do resto… a l’ea unna cösa naturale,
doppotutto an provou, da mäducæ,
che se peu fâ beniscimo o maiale
sens’ëse ingentilii da-a civiltæ!
Primma o dîse de ti… confidensiale…
pòi çerti complimenti… un pö arrischiæ…
quarche discorso un pö… sentimentale…
e te ô lì che, guæi guæi, semmo arrivæ!…
A l’é a question che quelle lerfe imböse,
quelli mai despuggiæ, coscì à streit’euggi,
l’aveivan za capie, tutte ste cöse…
Ma lô no voeivan ëse incoronæ!
No n’oeivan còrne!… Gh’ea ciù cao i pigheuggi!…
Se vedde che no gh’ea de civiltæ!…
Traduçion italiaña
Del resto, era una cosa naturale
dopo tutto hanno provato, da maleducati,
che si può fare benissimo il maiale
senz’essere ingentiliti dalla civiltà!
Prima il darsi del tu… confidenziale…
poi certi complimenti un po’ arrischiati…
qualche discorso un po’ sentimentale,..
ed ecco che più o meno, siamo arrivati!…
Il problema è che quelle labbra rovesciate,
quei mariti nudi, così a occhi chiusi,
le avevano già capite, tutte queste cose…
Ma loro non volevano essere incoronati!
Non ne volevano corna!… Preferivano i pidocchi!…
Si vede che non c’era civiltà!…
Aldo Aquaron
Do Aldo Aquaron se peu dî a mæxima cösa do Gatti; o testo da seu A scoverta de l’America (1938) o l’é meno conciso, ma inte çerti ponti o deuvia a-a dreitua e mæxime poule. Da osservâ peò l’intonaçion satirica verso a fede into progresso e ascì verso a religion, che into Gatti a no gh’ea.
XLI
Che lì con o calore questa gente
van nui comme l’à fæti moæ natura
e son tanto abituæ à no dâghe a mente
che anche a dònna, zovena ò matura,
a gh’à a feuggia de figo unicamente
pe fâ contenti quelli da censura.
Ma quest’uso pe lô o no l’é indecente;
nisciun se scandalizza o se ne cura.
No son comme noiatri che, viçiosi,
ne monta o sangue subito a-o çervello
se ’nna dònna a ne mostra i stalli ascosi.
Ansi, o servaggio con quell’uso lì
son seguo che à mostrâghe un spogliarello
o te dixe: Ebben? L’é tutto chì?
Traduçion italiaña
Perché lì con il calore questa gente
vanno nudi come li ha fatti madre natura
e sono tanto abituati a non badargli
che anche la donna, giovane o matura,
ha la foglia di fico unicamente
per fare contenti quelli della censura.
Ma quest’usanza per loro non è indecente:
nessuno si scandalizza o se ne cura.
Non sono come noi, che , viziosi,
ci sale il sangue subito al cervello
se una donna ci mostra gli stalli nascosti
Anzi, il selvaggio con quell’uso lì
sono sicuro che a mostrargli uno spogliarello
ti dice: Ebbene? E’ tutto qui?
XLIII
Tutti san comme a cösa a va à finî
à mette o feugo da vixin a-a paggia
tanto ciù quando a dònna a fa capî
ch’a ghe sta, a civetta, e a l’incoraggia!
Quelli no andavan tanto pe-o sottî,
a novitæ, o cado, o mâ, a spiaggia,
a mancansa totale di vestî,
l’oscuritæ propiçia da boscaggia…
se capivan co-a lingua universale,
con i sòliti schersi da innamoæ:
primma o dâse do ti confidensiale,
pòi çerti complimenti un pö… arrischiæ,
qualche discorso un pö sentimentale
ed ecco che oramai… semmo arrivæ!
Traduçion italiaña
Tutti sanno come va a finire la faccenda,
a mettere il fuoco vicino alla paglia
tanto più quando la donna fa capire
che ci sta, civertta e lo incoraggia!
Quelli non andavano tanto per il sottile,
la novità, il caldo, il mare, la spiaggia,
la mancanza totale di vestiti,
l’oscurità propizia della boscaglia…
si capivano con la lingau universale,
con i soliti scherzi da innamorati:
prima il darsi del tu confidenziale,
poi certi complimenti un po’… arrischiati,
qualche discorso un po’ sentimentale
ed ecco che ormai siamo arrivati!
XLIV
Pe ’n pö questi servaggi accomodanti
an sopportou a cösa con paçiensa
dixendose fra lô, comme fan tanti:
Ancon d’assæ che quarchedun ghe pensa!
Ma quando pòi an visto andando avanti
che no gh’ea ciù ritëgno né prudensa,
un brutto giorno i cappi ciù importanti
decisi à fâ cessâ quest’indecensa
so’ andæti da Colombo in commiscion
e te gh’an dito con o sangue a-i euggi
che va ben o progresso e a religion
ma à costo de passâ per… arretræ
a-e còrne preferivan i pigheuggi!
Se vedde che no gh’ea de civiltæ!
Traduçion italiaña
Per un po’ questi selvaggi accomodanti
hanno sopportato la cosa con pazienza
dicendo fra di sé, come fanno tanti;
meno male che qualcuno ci pensa!
Ma quando poi hanno visto andando avanti
che non c’era più ritegno né prudenza,
un brutto giorno i capi più importanti
decisi a far cessare quest’indecenza
sono andati da Colombo in commissione
e gli hanno detto con il sangue agli occhi
che vanno bene il progresso e la religione
ma a costo di passare per retrogradi
alle corna preferivano i pidocchi!
Si vede proprio che non c’era la civiltà!
Doardo Firpo
A vea scoverta de l’America (1946) do Firpo, in cangio, a l’affronta l’argomento à unn’atra mainea; i compagni de Colombo, che piggian parte a-a spediçion, son tutti amixi do Firpo che in tempo de guæra frequentavan i giardinetti de fronte a-a staçion Brignoe. L’intonaçion a l’é de soventi farsesca e satirica con refeimenti a-a scituaçion politica e çittadiña de l’epoca; ma i momenti ciù arriescii son quelli de inspiaçion lirica, comme do resto gh’é da aspëtâse da-o Firpo. Tòsto che arrivan in America, un de liatri, o Pippo, o se treuva davanti a Cattæn, a moggê ch’o l’aiva lasciou à Zena, ma ch’a l’é arrivâ à San Sarvatô avanti de lê, no se sa comme.
Davanti à quelle scene da incantâ,
à quello paradiso imbalsamou
o Pippo o se domanda ammagonou:
– Pövia Cattæn, perché no l’ò portâ?
Chissà cös’a faiâ da San Donou!…
seguo a pensa à mi, fòrse a cianziâ! –
e ghe sciòrte da-o cheu un gran sospio.
Ma mentre o s’aspëtava che i presenti
taxessan anche lô pe-a commoscion,
o î vedde in cangio tutti sorridenti.
– Ve pao un bollibæ? Me fæ o landon?
Miæ che no son a figgia de l’aofeuggio
che pòsso cianze e rie quande veuggio.
Ma o vedde che ghe fan segno co-o dio…
In sce un sentê in mezo à l’erba ata
gh’é unna dònna ch’a ven leggera e fresca
e a ciamma, a rie, a balla, a canta, a sata.
Perdincibaccoelippa a l’é a Cattæn!…
in carne e òsse, lê, co-a cavagniña,
a scoffia e i farbalæ de mossoliña,
perdincibaccoelippa a l’é a Cattæn!…
e con ’n asbrio a se gh’attacca a-o còllo.
– Comme t’æ immanegou? – No ne parlâ –
– Chi te l’à dito de vegnî? – Ti taxi?
Incomensemmo torna à rattellâ? –
Traduçion italiaña
Davanti a quelle scene da incantare,
a quel paradiso imbalsamato
Pippo si domanda malinconico:
– Povera Caterina, perché non l’ho portata?
Chissà che cosa farà da San Donato!…
certo pensa a me, forse piangerà! –
e gli sfugge dal cuore un gran sospiro.
Ma mentre si aspettava che i presenti
tacessero anche loro per la commozione,
li vede invece tutti sorridenti.
– Vi sembro un babbeo, mi prendete in giro?
Guardate che non sono la figlia dell’alloro
che posso piangere e ridere quando voglio.
Ma vede che gli fanno cenno con il dito…
Su di un sentiero in mezzo all’erba alta
c’è una donna che viene leggera e fresca
e chiama, ride, balla, canta e salta.
Perdincibacco e lippa, è Caterina!…
E con slancio gli si attacca al collo.
– Come hai fatto? – Non ne parlare. –
Chi te l’ha detto di venire? – Vuoi tacere?
Ricominciamo a litigare?
Stante che i indigeni se son ascoxi, perché son gioxi de moggê, Colombo e i seu compagni inandian o menestron, con l’inmancabile pesto, pe destanâli; progetto ch’o l’andiâ à bon fin…
E intanto che a Cattæn a sta impastando
pe preparâ i cornetti, o Pippo lesto,
con unn’euggiâ in gio de quando in quando
con grande impegno o preparava o pesto.
– Oh, biato profummin de baxaicò!…
o dixeiva passando unna gambetta
sott’a-o naso di amixi e pòi a-o sò
comm’o fosse unna gamba de viovetta.
– Oh, biato profummin de baxaicò,
ti m’arregòrdi l’äia ponçeviña,
San Chigo, San Çeprian, Særa Riccò,
e a vista un pö lontaña da mariña. –
E o dixeiva, frattanto che i pigneu
o î pestava co-a noxe into mortâ:
– Andavimo pe pigne da figgeu,
e sentivimo o vento sciù inti pin…
Te vëgne in cheu, te vëgne in cheu, Cattæn?
Ti te metteivi e çexe pe pendin… –
Traduçion italiaña
E mentre Caterina sta impastando
per preparare i cornetti, Pippo lestamente,
con uno sguardo attorno di quando in quando
con grande impegno preparava il pesto.
– Oh, beato profumino di basilico!
diceva passandone uno stelo
sotto il naso degli amici e poi sotto il suo
come se fosse uno stelo di violetta.
– Oh, beato profumino di basilico,
mi ricordi l’aria polceverasca
San Quirico, San Cipriano, Serra Riccò,
e la vista un po’ lontana della marina. –
E lo diceva mentre i pinoli
li pestava con la noce nel mortaio:
– Cercavamo le pigne da bambini,
e udivamo il vento lassù tra i pini…
Ti ricordi, ti ricordi, Caterina?
Indossavi le ciliegie come orecchini…