Conseggio pe-o Giuseppe E. Pedemonte (1902-1993)
Di anni ’20 e ’30 do secolo passou o l’aiva conlaborou a-a revista de «A Compagna» e à Il Lavoro, con de poexie che son stæte cheuggeite soo che do 1988 inte un volumme, Rimme Antighe. Segondo o F. Toso, o Pedemonte o l’à inseio «tra i temi istòrichi e pittòrico-descrittivi de ambientaçion çittadiña unna veña melancònica no esente da suggestioin crepuscolare, in sce un sottofondo vagamente scapiliou (ch’o gh’é arrivou tramite o Malinverni)».
Barcon serrou
Inta scituaçion presentâ, tipica da poexia crepuscolare, se peu ascì vedde de lengê un reciammo à «E viovette de Mimì» do Malinverni, che poei attrovâ inte sta mæxima antologia.
Barcon serrou… e o no s’arviâ mai ciù
pe ti, Ninetta, a-a primmaveia e a-o sô…
Sensa un saluo, sensa unn’euggiâ d’amô
t’ê scentâ, into ciù bello da zoentù!
E dixan che t’ë un angeo, che lasciù
ti te n’ê andæta vixin a-o Segnô…
Un caro gianco… Tanti fiori. E o dô,
e o singulto de chi te sa lazù.
Lazù. À Staggen. L’é un meise: ti cantavi
e a voxe a m’arrivava da-o barcon.
Niña, t’ëi un diao… t’ëi un diao che ti tentavi.
Oua o cheu o me se strenze da-o magon…
Ti, neigra, ò Morte, da-o barcon ti intravi,
anche ti, fòrse, induta in tentaçion.
Traduçion italiaña
Finestra chiusa
Finestra chiusa… e non si aprirà mai più
per te, Ninetta, alla primavera e al sole…
senza un saluto, senza uno sguardo d’amore
sei sparita, nel fiore della gioventù!
E dicono che sei un angelo, che lassù
te ne sei andata vicino a Dio…
Un carro bianco… Tanti fiori. E il dolore,
e il singulto di chi ti sa laggiù.
Laggiù. A Staglieno. E’ un mese: tu cantavi
e la voce mi arrivava dalla finestra.
Nina, eri un diavolo… eri un diavolo tentatore.
Ora il cuore mi si stringe dall’angoscia…
O nera Morte, tu entravi dalla finestra,
anche tu forse, indotta in tentazione.
Da quella ch’a fa e carte
Se inta poexia preçedente o modello o l’ea o Malinverni, inte sta chì a fonte a se porrieiva çercâ inte «Il responso» do Gozzano, da La via del rifugio, pe unna çerta someggiansa de atmosfea e pe-a commun morale pescimistica. A frase «demmo à ògni cösa un nomme / e andemmo nesci a-a Mòrte» a peu ëse tòsto unna interessante intuiçion filosòfica: e cöse an un senso soo che quande ghe demmo un nomme e into mæximo tempo ê condannemmo – e se condannemmo – à moî.
Incredulo a-a teu arte,
ma pe demoâme a-a föa,
Melania, taggio e carte.
Gh’en trezze carte in töa.
Gh’é o destin, bello e brutto.
«Donna di quadri. Bionda..
Mobile come l’onda.
Dònna di picche. Un lutto.
Ò un fäso testimònio.
Sciâ se n’andiâ à un banchetto.
Un fante. Un zovenetto
regiou pe un matrimònio.»
E da-a Santa Maria
do Carmo arriva chì
o son de ’nn’agonia.
(En tr’oe: de venerdì).
Melania, ammio o tò scuo
vestî impero, a velletta,
o sciallo cô viovetta,
e un nastro de velluo.
No rio. Invece sento
nasce ’nna gran pietæ.
Pe mi, pe ti. O tormento
da pövia umanitæ.
– E pòi? – «Fiori. ’Nna lettera
de ’nna vidoa fatale.
Un præve. Un tribunale.
Sette de coppe… » – eccetera.
Òh, lascia stâ, Melania!…
Unna vidoa fatale!…
i affari… un tribunale!…
’nna bionda pe compagna!…
Ma chì gh’é a Vitta! E a sòrte
ti â sæ, Melania?… Comme
demmo à ògni cösa un nomme
e andemmo nesci a-a Mòrte?
Traduçion italiaña
Incredulo alla tua arte,
ma per divertirmi alla fiaba,
Melania, taglio le carte.
Ci sono tredici carte in tavola.
C’è il destino, bello e brutto.
“Donna di quadri. Bionda.
Mobile come l’onda.
Donna di picche. Un lutto.
O un falso testimonio.
Se ne andrà a un banchetto
Un fante, un ragazzo
ingannato per un matrimonio” E da Santa Maria
del Carmine arriva qui
il rintocco di un’agonia.
(Sono le tre di venerdì)
Melania, guardo il tuo scuro
abito impero, la veletta,
lo scialle con la violetta,
e un nastro di velluto.
Non rido. Sento invece
nascere una gran pietà.
Per me, per te. Il tormento
della povera umanità.
E poi? “Fiori. Una lettera
di una vedova fatale.
Un prete. Un tribunale. Sette di coppe…” – eccetera.
Oh, lascia perdere, Melania! Una vedova fatale…! gli affari… un tribunale!…
Una bionda per compagna!…
Ma qui c’è la vita! E la sorte
la sai, Melania?… Come
diamo a ogni cosa un nome
e andiamo, sciocchi, alla Morte?